និស្សិតខ្មែរ២រូប បញ្ជាក់អំពីស្ថានភាពរបស់ខ្លួននាពេលបច្ចុប្បន្ន នៅក្រុងវូហាន ដែលជាកន្លែងផ្ទុះមេរោគកូរ៉ូណា
យោងតាមវីដេអូដែលស្ថានីយទូរទស្សន៍ទទក បានសម្ភាសន៍ជាមួយនឹងក្រុមនិស្សិតខ្មែរ ២រូប គឺលោក បែន បារាំង និស្សិតថ្នាក់បរិញ្ញាបត្រជាន់ខ្ពស់ ឆ្នាំទី២ សិក្សាជំនាញកម្មវិធីសិក្សា និងវិធីសាស្រ្តបង្រៀន និងលោក ម៉ា សាន់សុវណ្ណនិស្សិត ថ្នាក់បរិញ្ញាបត្រជាន់ខ្ពស់ ផ្នែកច្បាប់អន្តរជាតិ នៅសាកលវិទ្យាល័យវូហាន ប្រទេសចិន បានបរិយាយអំពីស្ថានភាពរបស់គាត់នៅពេលបច្ចុប្បន្ននេះ នៅទីក្រុងវូហាន ប្រទេសចិន។
ដោយនិស្សិតខ្មែរនៅក្រុងវូហាន បានរៀបរាប់ថាពួកគេមានសុខភាពល្អធម្មតា ពុំទាន់មាននរណាម្នាក់បានឆ្លងនូវវីរុសកូរ៉ូណានោះទេ ហើយពួកគេក៏បានរៀបរាប់ពីស្ថានភាពបច្ចុប្បន្នថា ផ្សារមួយចំនួន និងឱសថស្ថាន ត្រូវបានបើកឡើងវិញ។ គួរបញ្ជាក់ថា និស្សិតកម្ពុជាទាំង ២៣រូប ដែលកំពុងស្នាក់នៅទីក្រុងវូហាន មានសុខភាពល្អជាធម្មតា ដោយមានការយកចិត្តទុកដាក់ពីសមាគមនិស្សិតកម្ពុជាប្រចាំប្រទេសចិន ស្ថានអគ្គកុងស៊ុល ស្ថានទូតកម្ពុជាប្រចាំប្រទេសចិន រដ្ឋបាលសាលា និងស្ថាប័នពាក់ព័ន្ធនានា៕ សូមទស្សនាវីដេអូនៅខាងក្រោមនេះ៖
ប្រភព៖ ទទក