តូតា ដឹកដៃអនាគតស្វាមី ថតរូប pre wedding នៅទឹកដីប្រវត្តិសាស្ត្រខេត្តសៀមរាបវិញម្តង លើកនេះស្អាតប្លែកតែម្តង

កាលពីលើកមុន ក្រុមការងារខ្មែរណូត បានបង្ហាញអ្នកទាំងអស់គ្នានូវរូបភាព pre wedding ស្អាតៗជាច្រើនសន្លឹករបស់តារាសម្តែងកញ្ញា ម៉ាក សែនសូនីតា ហៅ តូតា ជាមួយអនាគតស្វាមីគឺលោក ប៉ុល វិបូ នៅឯឆ្នេរសមុទ្រ ក្រុងកំពង់សោម ដែលធ្វើឲ្យមហាជនកោតសរសើរមិនដាច់ពីមាត់ថាស្រស់ស្អាតយ៉ាងខ្លាំង។ ថ្ងៃនេះ ខ្មែរណូតនឹងបង្ហាញអ្នកទាំងអស់គ្នាពីរូបភាព pre wedding ថ្មីមួយទៀតរបស់អ្នកទាំង២ ដែលទៅផ្តិតយកនៅឯទឹកដីប្រវត្តិសាស្ត្រខេត្តសៀមរាប ជាមួយនឹងប្រាង្គប្រាសាទដ៏អស្ចារ្យពីដូនតាបន្សល់ទុកឲ្យ។

កញ្ញាក៏ធ្លាប់បានលើកឡើងពីមុនមកផងដែរថា ប្រទេសកម្ពុជាយើងមានទេសភាពដ៏ស្រស់ត្រកាល និងអច្ឆរិយៈជាច្រើន ដែលធ្វើឲ្យកញ្ញាជ្រើសរើសយកជាទីតាំងសម្រាប់កញ្ញាថត pre wedding ដោយក៏មិនចាំបាច់ទៅថតដល់ប្រទេសក្រៅអ្វីនោះទេ។

រូបថត pre wedding ទាំងនោះត្រូវបានអ្នកគាំទ្រកញ្ញាកោតសរសើរថាស្អាតយ៉ាងខ្លាំង ហើយរូបថតដ៏ស្រស់ស្អាតគួរឲ្យទាក់ទាញបែបនេះគឺជាស្នាដៃរបស់ក្រុមការងារ Image Hunter Photography ដែលខិតខំប្រឹងប្រែងសម្រិតសម្រាំងយ៉ាងពិសេស។ ប្រសិនបើអ្នកទាំងអស់គ្នាចង់បានរូបភាព Pre wedding ស្រស់ស្អាតបែបនេះទំនាក់ទំនងទៅកាន់ Image Hunter Photography៕