បុណ្យមាឃបូជា ពលរដ្ឋនៅក្រុងសិរីសោភ័ណ្ឌនាំគ្នាបង្ហោះគោម សុំសេចក្តីសុខ ស្រាប់តែគោមធ្លាក់បណ្តាលឲ្យឆេះនៅភ្នំបាក់ និង កងវ៉ា សំណាងល្អសមត្ថកិច្ចសហការជួយពន្លត់ទាន់ពេល កុំអីមិនដឹងរាលដាលប៉ុណ្ណាទេ…

កាលពីម្សិលមិញនេះនៅយប់ថ្ងៃទី ៨ កុម្ភៈ ២០២០ បុណ្យមាឃបូជា ប្រពលរដ្ឋបាននាំគ្នាបង្ហោះគោមនៅក្រុងសិរីសោភ័ណ្ឌ ខេត្តបន្ទាយមានជ័យ ស្រាប់តែគោមធ្លាក់បណ្តាលឲ្យឆេះនៅភ្នំបាក់ និង កងវ៉ា នេះជាការបញ្ជាក់របស់លោកស្នងការខេត្ត។ ស្នងការនគរបាលខេត្តបន្ទាយមានជ័យ លោកឧត្តមសេនីយ៍ទោ អាត់ ខែម បានសរសេរថា «សុំកុំដុតគោមបង្ហោះ វាបណ្តាលឲ្យធ្លាក់មកឆេះ ដូចករណីយប់នេះបង្កឲ្យឆេះភ្នំបាក់ និង កងវ៉ា ។ គោរពអរគុណកងកម្លាំងប្រដាប់អាវុធទាំងបី និងអាជ្ញាធរដែនដី រួមប្រជាពលរដ្ឋ ដែលបានចូលរួមសាមគ្គីទៅពន្លត់ភ្លើងបាន»។ សុំប្រិយមិត្តគួរកុំបង្ហោះគោម ការពារកុំឲ្យមានការធ្លាក់ត្រូវផ្ទះពលរដ្ឋ ឬព្រៃបណ្តាលឲ្យមានអគ្គីភ័យកើតឡើង៕