ទីក្រុងតាខ្មៅ ខេត្តកណ្ដាល រៀបចំធ្វើពិធីដង្ហែពានយ៉ាងអធិកអធម បន្ទាប់ពីជាប់ជាជ័យលាភីទីក្រុងទេសចរណ៌ស្អាតលំដាប់អាស៊ាន
- February 15, 2020
ក្រុងតាខ្មៅ៖ នៅព្រឹកថ្ងៃទី១៥ ខែកុម្ភះ ឆ្នាំ២០២០ ទីក្រុងតាខ្មៅ ខេត្តកណ្ដាល បានរៀបចំក្បួនដង្ហែពានរង្វាន់ទីក្រុងទេសចរណ៌ស្អាតលំដាប់អាស៊ានយ៉ាងអធិកអធម ក្រោមវត្តមានថ្នាក់ដឹកនាំ ប្រជាពលរដ្ឋ សិស្សានុសិស្សជាច្រើននាក់។ អភិបាលខេត្តកណ្ដាល បានថ្លែងក្នុងឱកាសពិធីដង្ហែនេះថា នេះជាមោទកភាពមួយដែលក្រុងតាខ្មៅ ទទួលជ័យលាភីទីក្រុងទេសចរណ៌ស្អាតអាស៊ាន ពីទីក្រុងដារូដាឡាម ប្រទេសព្រុយណេ។
សូមរំលឹកថាទីក្រុងទេសចរណ៍របស់កម្ពុជាចំនួន ៣ រួមមាន ខណ្ឌដូនពេញ (រាជធានីភ្នំពេញ) ទីក្រុងកំពត និងទីក្រុងតាខ្មៅ បានទទួលជ័យលាភីទីក្រុងទេសចរណ៍ស្អាតអាស៊ាន នៅក្នុងពិធីចែកជ័យលាភីរង្វាន់ទេសចរណ៍អាស៊ាន ដែលបានប្រព្រឹត្តទៅថ្ងៃទី១៦ ខែមករា ឆ្នាំ២០២០កន្លងទៅ នាឱកាសវេទិកាទេសចរណ៍អាស៊ាន ឆ្នាំ២០២០ នៅប្រទេសព្រុយណេ។ ពានរង្វាន់ក្នុងការប្រឡងប្រណាំង ទីក្រុងទេសចរណ៍ស្អាតអាស៊ានគឺគ្រប់សង្កាត់ទាំង១០ ក្នុងក្រុងតាខ្មៅបានចូលរួមរៀបចំ និងសំអាតបរិស្ថានឲ្យស្របតាមសូចនាករគោល៧ សូចនាករលម្អិត ២៨ និងលក្ខណៈវិនិច្ឆ័យចំនួន ១០៨ នៃស្តង់ដារទីក្រុងទេសចរណ៍ស្អាតអាស៊ាន៕
ប្រភព៖ រដ្ឋបាលខេត្តកណ្តាល
- Share This Post: