ញាក់សាច់! លួចគណនីហ្វេសប៊ុកគេហើយ ឆាតឲ្យផ្ញើប្រាក់ឲ្យខ្លួន រាប់ពាន់ដុល្លារ ត្រូវសមត្ថកិច្ចបង្ក្រាបបាន
- February 21, 2020
ថ្ងៃទី១៩ ខែ កុម្ភៈ ឆ្នាំ២០២០ តាមបទបញ្ជារបស់ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងអនុវត្តតាមដីកាបង្គាប់របស់អយ្យការអមសាលាដំបូង រាជធានីភ្នំពេញ ព្រមទាំងបានការសម្របសម្រួលលើនីតិវិធីពីលោក នួន សាន ព្រះរាជអាជ្ញាអមសាលាដំបូងខេត្តបាត់ដំបង ក៏ដូចការស្នើសុំកិច្ចសហការណ៍អនុវត្តរបស់នាយកដ្ឋានប្រឆាំងបទល្មើសបច្ចេកវិទ្យានៃអគ្គស្នងការដ្ឋាននគរបាលជាតិលោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌ បានដឹកនាំមន្ត្រីនគរបាលក្នុងក្រុមការងារអនុវត្តដីកានៃស្នងការដ្ឋាន សហការណ៍ជាមួយកម្លាំងនគរបាលនៃអធិការដ្ឋាននគរបាលស្រុកបាណន់ ធ្វើការនាំខ្លួនឈ្មោះ រ៉េន សារី ភេទប្រុស អាយុ ៣០ឆ្នាំ មានទីលំនៅសង្កាត់ ចំការសំរោង ក្រុងបាត់ដំបង ខេត្តបាត់ដំបង ពាក់ព័ន្ធករណីលួចយកគណនីហ្វេសប៊ុកឈ្មោះ គឹម ពាមសុវណ្ណ បានឆាតទៅគណនីហ្វេសប៊ុកឈ្មោះ Iem Tich ឲ្យផ្ញើប្រាក់មកឲ្យខ្លួនចំនួន ៣,៧០០ ដុល្លារអាមេរិក និង ១០.០០០.០០០រៀល ។
សូមជម្រាបជូនថា កាលពីថ្ងៃទី ២០ខែ ធ្នូ ឆ្នាំ២០១៩ កន្លងទៅថ្មីៗនេះសមត្ថកិច្ចនគរបាលនៃស្នងការដ្ឋាននគរបាលខេត្តបាត់ដំបង បានសហការណ៍ជាមួយមន្ត្រីនគរបាលនៃស្នងការដ្ឋាននគរបាលខេត្តកែបធ្វើការឃាត់ខ្លួនជនស័ង្សយចំនួន០២នាក់ភេទប្រុសក្នុងករណី (លួចបន្លំគណនីហ្វេសប៊ុករួចផ្ញើសារឲ្យអ្នកដទៃផ្ញើប្រាក់មកឲ្យខ្លួន )កាលពីថ្ងៃទី ១៨ខែ ធ្នូ ឆ្នាំ២០១៩ ហើយក្នុងសកម្មភាពជាបន្តបន្ទាប់មានការចូលរួមរបស់ឈ្មោះ រ៉ែន សារី នេះផងដែរ។ ជនស័ង្សយត្រូវបានបញ្ជូនទៅកាន់អយ្យការអមសាលាដំបូងរាជធានីភ្នំពេញដើម្បីចាត់ការតាមផ្លូវច្បាប់៕
ប្រភព៖ ស្នងការដ្ឋាននគរបាលខេត្តបាត់ដំបង
- Share This Post:
អត្តបទទាក់ទង
-
ព័ត៌មានជាតិកម្ពុជាទទួលបានភ្ញៀវទេសចរបរទេសជាង ១លាន ៥សែននាក់ក្នុងត្រីមាសទី១ ខណៈចំនួនភ្ញៀវទេសចរចិនមានការកើនឡើង ៤៣ភាគរយ
April 25, 2024
-
ព័ត៌មានជាតិសាច់ក្របីបង្កកប្រមាណ ៣.៥តោន មានប្រភពមកពីប្រទេសឥណ្ឌា ត្រូវបានមន្រ្តីជំនាញខេត្តព្រៃវែង យកទៅដុតកម្ទេចចោល
April 25, 2024
-
ព័ត៌មានជាតិអ្នកនេសាទ លែងអណ្តើកសមុទ្រ «ល្មិច» ចំនួន ២ក្បាលទម្ងន់សរុប ១៩.៧គីឡូក្រាមចូលសមុទ្រវិញ
April 25, 2024
-
ព័ត៌មានជាតិប្រទះឃើញហ្វូងដំរីព្រៃអាស៊ីប្រមាណ ២០ក្បាល បង្ហាញខ្លួននៅស្រុកកែវសីមា ខេត្តមណ្ឌលគិរី
April 25, 2024