ប្រយ័ត្នប្រយែងកូនចៅ! ក្មេងតូចម្នាក់ត្រូវជនខិលខូចល្បួងយកទៅបាត់ រួចដោះគ្រឿងអលង្ការអស់ពីខ្លួន

រាជធានីភ្នំពេញ៖ សូមអាណាព្យាបាល ជាពិសេសឪពុកម្ដាយ ដែលមានកូនប្រុសស្រី ពាក់គ្រឿងអលង្ការជាប់ខ្លួន សូមមេត្តាប្រុងប្រយ័ត្នទាំងអស់គ្នា ព្រោះពេលនេះមានជនខិលខូចដើរល្បួងក្មេងៗយកទៅហើយដោះគ្រឿងអលង្ការយកអស់រលីងពីខ្លួន រួចផ្លុងក្មេងចោលអោយដើរតាមដងផ្លូវតែឯង វង្វេងផ្លូវរកមកផ្ទះវិញមិនស្គាល់។
កាលពីវេលាម៉ោង១០ព្រឹកថ្ងៃទី២២ ខែកុម្ភៈ ឆ្នាំ២០២០ នៅប្លុកបុរីកីទ្បា ភូមិបុរីកីទ្បា សង្កាត់វាលវង្ស ខណ្ឌ៧មករា រាជធានីភ្នំពេញ មានករណីម្ដាយបាត់កូនស្រី ឈ្មោះស្រីពេជ្រ អាយុ៨ តាំងពីវេលាម៉ោង១០ព្រឹក ថ្ងៃទី២២ ខែកុម្ភៈ ឆ្នាំ២០២០ ទើបរកកូនស្រីរបស់ខ្លួនឃើញវិញនៅតាមដងផ្លូវនៅវេលាម៉ោង៤ល្ងាច ថ្ងៃខែឆ្នាំដដែល តែពេលបានឃើញកូនវិញនោះកូនស្រីរបស់គាត់ត្រូវបានជនសង្ស័យមួយក្រុមមិនស្គាល់មុខល្បួងយកទៅរួចធ្វើសកម្មភាពដោះយកគ្រឿងអលង្ការអស់ពីខ្លួនទើបប្រលែងវិញអោយដើរតាមចញ្ចើមផ្លូវតែឯងរកផ្លូវមកផ្ទះវិញមិនឃើញ៕

អត្ថបទ៖ បងម៉េង