សំណង់ផ្សារទំនើបឡាក់គី សង់រួច ១០០% និងបើកលក់បានជិតមួយខែ ត្រូវអភិបាលខណ្ឌ ជ្រោយចង្វារ អោយបញ្ឈប់អាជីវកម្ម រកទីតាំងថ្មី ព្រោះ មិនមានចំណតគ្រប់គ្រាន់ បង្កការកកស្ទះចរាចរណ៍
- March 5, 2020
យោងតាមលិខិតជូនដំណឹងមួយដែលចុះហត្ថលេខាដោយលោក ឃ្លាំង ហួត អភិបាលនៃគណៈអភិបាលខណ្ឌជ្រោយចង្វារ តម្រូវអោយផ្សារទំនើបឡាក់គី សាខាជ្រោយចង្វារ ធ្វើការរុះរើ និងរកទីតាំងថ្មី ព្រោះតែទីតាំងបច្ចុប្បន្នដែលបានសាងសង់រួចរាល់ ១០០% នោះមិនសមស្របក្នុងការបើកអាជីវកម្មផ្សារទំនើបឡើយ ដោយសារទីតាំងមានលក្ខណៈតូចចង្អៀត មិនមានចំណតគ្រប់គ្រាន់ និងប៉ះពាល់ដល់សណ្តាប់ធ្នាប់សាធារណៈ បង្កឱ្យមានការកកស្ទះចរាចរណ៍នៅរង្វង់មូល ព្រហ្មបាយ័ន។
លិខិតជូនដំណឹងនេះដែរបានទុកពេលអោយលោកស្រី ហេង ភួងអ៊ាង ដែលជាតំណាងក្រុមហ៊ុន ឌីអេហ្វអាយ ឡាក់គឺ ប្រាយវេត លីមីធីត (សាខាជ្រោយចង្វារ) អោយធ្វើការស្វែងរកទីតាំងថ្មី ក្នុងរយៈពេល ១ខែ ចាប់ពីថ្ងៃជូនដំណឹង៕
- Share This Post: