មិនមានករណីដួលស្លាប់ ដោយសារជំងឺកូរ៉ូណានៅអគារកាណាឌីយ៉ាឡើយ គ្រាន់តែជាករណីខ្យល់គរធម្មតាប៉ុណ្ណោះ បច្ចុប្បន្នជនរងគ្រោះកំពុងសម្រាកនៅមន្ទីរពេទ្យកាល់ម៉ែត

មានការភ្ញាក់ផ្អើលមួយនៅក្នុងបណ្តាញសង្គមហ្វេសប៊ុក ក្រោយពេលបុគ្គលិក​បម្រើការងារនៅធនាគារកាណាឌីយ៉ាម្នាក់ បាន​ដួលសន្លប់នៅក្នុងបន្ទប់ទឹកនៃអគារកាណាឌីយ៉ា​ នៅព្រឹក​ថ្ងៃទី​៤​ ខែ​មិនា​ ឆ្នាំ​២០២០​ នេះ​។ ជុំវិញករណីនេះ យោងតាមការបញ្ជាក់នៅលើគណនីហ្វេសប៊ុករបស់លោក ម៉ុក ច័ន្ទករុណា អភិបាលរង នៃគណៈអភិបាលខណ្ឌដូនពេញ បានឲ្យដឹងថា “លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានថ្លែងជូនដំណឹងដល់សាធារណជនតាមរយៈបណ្តាញព័ត៌មានឲ្យដឹងថា មានករណីស្រ្តីម្នាក់វិលមុខដួលសន្លប់នៅអគារកាណាឌីយ៉ា ស្ថិតក្នុងសង្កាត់វត្តភ្នំ កាលពីម្សិលមិញ មិនមែនដោយសារជំងឺ Covid-19 ទេ ជាករណីខ្យល់គរធម្មតា ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យកាល់ម៉ែត”៕

អត្ថបទ៖ សេម