នាយកដ្ឋានប្រយុទ្ធនឹងជំងឺឆ្លង៖ ការធ្វើតេស្តរកមេរោគ COVID-19 និងការសំរាកព្យាបាល មិនតម្រូវឲ្យបង់ប្រាក់ឡើយ ទាំងជនជាតិខ្មែរ និងជនជាតិបរទេស

យោងតាមការបញ្ជាក់ពីនាយកដ្ឋានប្រយុទ្ធនឹងជំងឺឆ្លង CDC បានឲ្យដឹងថា បើបងប្អូនសាធារណ:ជនមានរោគសញ្ញាក្តៅខ្លួន ឬមានរោគសញ្ញាផ្លូវដង្ហើម និងទើបធ្វើដំណើរពីប្រទេស ដែលមានឆ្លងជំងឺ​ COVID-19​ ឬប៉ះពាល់ជាមួយអ្នកមានជំងឺបង្កឡើងដោយមេរោគ​ COVID-19 ក្នុងកំឡុងពេល១៤ថ្ងៃមុនចេញរោគសញ្ញា​ សូមអញ្ជើញទៅពិគ្រោះជំងឺនៅមន្ទីរពេទ្យខ្មែរ-សូវៀតនៅភ្នំពេញ​ និងនៅគ្រប់មន្ទីរពេទ្យខេត្ត​នៅបណ្តាខេត្តទាំងអស់នៅទូទាំងប្រទេស ។

ក្នុងករណីគ្រូពេទ្យពិនិត្យឃើញថា ចូលករណីសង្ស័យ​ដែលតំរូវឱ្យយកវត្ថុ​ ឬតំរូវឱ្យសំរាកពេទ្យ​ អ្នកជំងឺទាំងនេះនឹងមិនមានការបង់ថ្លៃធ្វើតេស្តរកមេរោគ​ COVID-19​ នីងតំលៃព្យាបាលទេ ​ដែលបញ្ជាក់ថាមានវិជ្ជមាន​ COVID-19 ។ ការអនុវត្តន៍នេះ​ នឹងធ្វើឡើងទាំងជនជាតិខ្មែរ​ និងជនជាតិបរទេសទាំងអស់​ ។ ពត៌មានបន្ថែមសូមទាក់ទងលេខ​ ១១៥!

ប្រភព៖ នាយកដ្ឋានប្រយុទ្ធនឹងជំងឺឆ្លង CDC