មកដឹងតម្លៃរថយន្ត Lexus LM300h ដ៏ទំនើប ដាក់លក់នៅឯប្រទេសថៃ
- BY
- autoadmin
- March 10, 2020
ទីបំផុតក្រុមហ៊ុន Lexus ដែលជាបុត្រសម្ពន្ធរបស់ Toyota បានប្រកាសពីតម្លៃជាផ្លូវការនៃរថយន្ត Minivan របស់ខ្លួន។ ដោយក្រុមហ៊ុន Lexus បានឱ្យដឹងថា Lexus LM300h ដ៏ទំនើបប្រណិតប្រភេទ 4កៅអី មានតម្លៃ 6.5 លានបាត (ប្រហែល 200,000 ដុល្លារអាមេរិក) និងប្រភេទ 7 កៅអី មានតម្លៃ 5.5 លានបាត (ប្រហែល 175,000ដុល្លារអាមេរិក) នេះបើតាមទីផ្សាររបស់ប្រទេសថៃ។ ជាក់ស្ដែង Lexus LM300h នេះ វាបម្រុងនឹងបង្ហាញខ្លួននៅឯ Bangkok Motor Show បន្តែគួរឱ្យស្ដាយដែលប៉ុន្មានរយៈចុងក្រោយនេះវីរុស COVID-19 បានរាយដាលគ្រប់ទីកន្លែង ហើយកម្មវិធីធំៗនៅក្នុងតំបន់ដែលងាយរងគ្រោះជាច្រើនត្រូវបានលុបចោលទៅវិញ សូម្បីតែ GENEVA Motor Show ដែលជាពិព័រណ៍ដ៏ធំក៏ត្រូវលុបចោលទៅវិញដែរ។
រថយន្ត Lexus LM300h មួយនេះ គឺមានការរចនាយកគំរូតាម Toyota Alphard ដែលមានទាំងប្រភេទមាន 4កៅអី ឬ 7កៅអី។ ម៉ាស៊ីនដែលត្រូវបានជ្រើសរើសសម្រាប់ទីផ្សារប្រទេសថៃ គឺជាប្រភេទម៉ាស៊ីនទំហំ 2.5លីត្រ មានកម្លាំ 197សេះ ហើយរថយន្តនេះជាប្រភេទ Hybrid ដែលបញ្ចេញ CO2 តែ 150ក្រាម/គីឡូម៉ែត្រ ប៉ុណ្ណោះ។ វាមានប្រព័ន្ធសំឡេង (19-speaker sound system) និងទូទឹកកកតូច (14-litre refrigerator) ជាពិសេសលោកអ្នកអាចបញ្ជាទិញបានទាំងប្រភេទ ប៉ុងមួយ (front wheel) ឬប៉ុងពីរ (all-wheel) ផងដែរ៕
អត្ថបទ៖ លីដា
ប្រភព៖ Bangkokpost
- Share This Post: