ស្ថាបត្យករអ៊ីតាលីដ៏ល្បីល្បាញម្នាក់ បានទទួលមរណភាពដោយសារ កូវីដ-១៩ ក្នុងវ័យ ៩២ឆ្នាំ

ប្រព័ន្ធផ្សព្វផ្សាយអ៊ីតាលីបាននិយាយថា លោក Vittorio Gregotti ស្ថាបត្យករអ៊ីតាលី ដែលបានជួយរចនាពហុកីឡាដ្ឋានអូឡាំពិករដូវក្តៅបាសេឡូណាឆ្នាំ ១៩៩២ បានទទួលមរណភាពកាលពីថ្ងៃអាទិត្យ ទី១៥ ខែមីនា ឆ្នាំ២០២០ ក្នុងវ័យ ៩២ ឆ្នាំបន្ទាប់ពីបានឆ្លងវីរុស COVID-19។ កាសែត Corriere della Sera និងទីភ្នាក់ងារព័ត៌មាន AGI បានរាយការណ៍ថា លោក Gregotti បានស្លាប់ដោយសារជំងឺរលាកសួត បន្ទាប់ពីបានចូលសម្រាកព្យាបាលនៅមន្ទីរពេទ្យក្នុងទីក្រុង Milan បន្ទាប់ពីបានឆ្លងវីរុស។

លោក Vittorio Gregotti ក៏បានរចនាពហុកីឡាដ្ឋាន Merassi នៅ Genoa សម្រាប់ព្រឹត្តិការណ៍ World Cup ឆ្នាំ១៩៩០ នៅប្រទេសអ៊ីតាលី និងរោងមហោស្រព Arcimboldi នៅ Milan ដែលជារចនាបទបែបអនាគត ដើម្បីសាងសង់រដូវកាលបន្ត ខណៈមហោស្រព La Scala របស់គាត់បានទទួលការជួសជុលនៅឆ្នាំ ២០០២-២០០៤។ គំនួសពណ៌ផ្សេងទៀតនៃអាជីពរបស់គាត់ដែលបានឃើញ ដូចជាគាត់កសាងស្រុកលំនៅដ្ឋានមួយនៅសៀងហៃ រួមមានមជ្ឈមណ្ឌលវប្បធម៌​ Belem នៅព័រទុយហ្កាល់ និងមហាមហោស្រព Grand Theatre de Provence នៅប្រទេសបារាំង៕

អត្ថបទ៖ លីដា