ក្រសួងសុខាភិបាលអ៉ីស្រាអែលបានឱ្យដឹងនៅថ្ងៃព្រហស្បតិ៍នេះថា លោក Yaakov Litzman រដ្ឋមន្រ្តីក្រសួងសុខាភិបាល និងភរិយារបស់គាត់ ត្រូវបានគេធ្វើរោគវិនិច្ឆ័យវិជ្ជមានជាមួយវីរុស COVID-19 ហើយកំពុងនៅដាច់ដោយឡែកតាមគោលការណ៍ណែនាំរបស់ពេទ្យ។ លោករដ្ឋមន្ដ្រីវ័យ ៧១ឆ្នាំរូបនេះ ត្រូវបានគេមើលឃើញថា ជាសម្ព័ន្ធមិត្តរបស់នាយករដ្ឋមន្ត្រីអ៉ីស្រាអែលលោក Benjamin Netanyahu ហើយលោកតែងបានបង្ហាញខ្លួនជាទៀងទាត់ជាមួយនាយករដ្ឋមន្រ្តី ដើម្បីផ្តល់ព័ត៌មានថ្មីៗស្តីពីការរីករាលដាលនៃជំងឺរាតត្បាត និងវិធានការថ្មីៗដើម្បីប្រយុទ្ធប្រឆាំងនឹងវា។

ប៉ុន្តែយ៉ាងណាលោក Yaakov Litzman បានបន្ថយការបង្ហាញខ្លួនជាសាធារណៈក្នុងប៉ុន្មានសប្តាហ៍ថ្មីៗនេះ ហើយអគ្គនាយកនៃក្រសួងសុខាភិបាលបានធ្វើសេចក្តីសង្ខេបប្រចាំថ្ងៃជំនួសវិញ។ ក្រសួងបាននិយាយនៅក្នុងសេចក្តីថ្លែងការណ៍មួយថា លោករដ្ឋមន្ដ្រី Yaakov Litzman និងភរិយារបស់លោកមានសុខភាពល្អនោះទេ៕

អត្ថបទ៖ លីដា
ប្រភព៖ The Jakarta Post