រំភើបចិត្តណាស់! ទារកអាយុ០៤ខែ ដែលជាអ្នកជំងឺកូវីដ១៩ ក្មេងជាងគេនៅកម្ពុជា បានជាសះស្បើយហើយ នឹងត្រូវបានអនុញ្ញាតឲ្យចេញពីមន្ទីរពេទ្យកុមារជាតិ

យោងតាមសេចក្តីប្រកាសរបស់ក្រសួងសុខាភិបាលចុះផ្សាយនៅព្រឹកថ្ងៃទី០៣ ខែមេសា ឆ្នាំ២០២០ មុននេះបន្តិច បានអោយដឹងថា ក្រសួងសុខាភិបាល បានរកឃើញករណីវិជ្ជមានវីរុសកូវីដ១៩ថ្មីចំនួន០៤នាក់ទៀត ដែលសុទ្ធតែជាជនបរទេសទាំងអស់ ធ្វើឲ្យចំនួនសរុបអ្នកឆ្លងនៅទូទាំងប្រទេសកម្ពុជាឡើងដល់ ១១៤ករណី។

ក្នុងនោះផងដែរ ក្រសួងសុខាភិបាល បានបញ្ជាក់ថា បានព្យាបាលជាសះស្បើយអ្នកជំងឺកូវីដ១៩ម្នាក់ទៀត ដែលជាទារកប្រុសអាយុ០៤ខែ ជាកូនបង្កើតរបស់បុរសជនជាតិបារាំង ដែលទើបបានជាសះស្បើយ ត្រូវបានអនុញ្ញាតឲ្យចេញពីមន្ទីរពេទ្យកុមារជាតិ៕

អត្ថបទ៖ សេម