បច្ចុប្បន្នភាពជំងឺកូវីដ ១៩ នៅកម្ពុជា គិតត្រឹមម៉ោង ៧ព្រឹក ថ្ងៃទី២០ ខែមេសា ឆ្នាំ២០២០

ក្រសួងសុខាភិបាលបានប្រកាសដំណឹងពីស្ថានភាពអ្នកជំងឺកូវីដនៅកម្ពុជា ដែលព្រឹកថ្ងៃទី២០ ខែមេសា ឆ្នាំ២០២០ នេះក្រសួងសុខាភិបាល បានឲ្យដឹងថា មិនមានករណីវិជ្ជមានកូវីដ១៩ថ្មីឡើយ ហើយបានព្យាបាលអ្នកជាសះស្បើយបានចំនួន០២នាក់បន្ថែមទៀត ដែលធ្វើឲ្យចំនួនអ្នកជាសះស្បើយសរុបកើនដល់១០៧នាក់ ហើយចំនួនអ្នកកំពុងសម្រាកព្យាបាលថយចុះនៅសល់ចំនួន១៥នាក់ប៉ុណ្ណោះ រីឯអ្នកមានវីរុសកូវីដ១៩ ដែលបានរកឃើញទាំងអស់ រាប់ទាំងអ្នកដែលបានព្យាបាលជាសះស្បើយ និងអ្នកកំពុងព្យាបាល នៅទូទាំងប្រទេសសរុបមានចំនួន ១២២នាក់ដដែល។

សូមប្រិយមិត្តអានខ្លឹមសារប្រកាសរបស់ក្រសួងសុខាភិបាលពីបច្ចុប្បន្នភាពជំងឺកូវីដ ១៩ នៅកម្ពុជា នៅព្រឹកថ្ងៃទី ២០ ខែមេសា ឆ្នាំ ២០២០ គិតត្រឹមម៉ោង ៧ព្រឹក ៕