ខេត្ត-ក្រុងទាំងនេះ មិនទាន់ព្យាបាលអ្នកជំងឺកូវីដ-១៩ ជាអស់នៅឡើយទេ

ចាប់​តាំង​ពី​ការ​រាលដាល​វីរុស ​COVID-19 នៅ​កម្ពុជា​ក្នុង​រយៈ​ពេល​ប៉ុន្មាន​ខែ​មក​នេះ យើងសង្កេត​ឃើញ​សន្ទុះ​ក្នុង​ការ​ព្យាបាល​អ្នក​ជំងឺ ​COVID-19 ​មាន​ប្រសិទ្ធភាព​ល្អ និង​ឆាប់រហ័ស។

បើ​តាម​របាយការណ៍​ស្តី​ពី​ករណី​ឆ្លង​ជំងឺ COVID-19 គិត​ត្រឹម​ព្រឹក​ថ្ងៃ​ទី​២១ ខែ​មេសា​នេះ របស់​ ក្រសួង​សុខាភិបាល បាន​បង្ហាញ​ឲ្យ​ដឹង​ថា ករណី​ជា​សះស្បើយ​មាន​ចំនួន ១១០​នាក់ និង​អ្នក​កំពុង​សម្រាក​ព្យាបាល​មាន​ចំនួន ១២​នាក់​ប៉ុណ្ណោះ​នៅ​ទូទាំង​ប្រទេស។ សម្រាប់​អ្នក​ទាំង​១២ ដែល​កំពុង​សម្រាក​ព្យាបាល​នៅ​ឡើយ រួម​មាន៖

– ភ្នំពេញ៖ ៧ ករណី

– ព្រះសីហនុ៖ ១ ករណី

– សៀមរាប៖ ១ ករណី

– បន្ទាយមានជ័យ៖ ១ ករណី

– កំពង់ឆ្នាំង៖ ១ ករណី

– កែប៖ ១ ករណី

ក្រៅពីនេះ ខេត្ត-ក្រុង​ដែល​បាន​ព្យាបាល​អ្នក​ជំងឺ COVID-19 ជា​សះស្បើយ​អស់​គ្មាន​សល់​ម្នាក់ មាន​ដូចជា៖ កំពង់ចាម បាត់ដំបង ព្រះវិហារ កំពត ត្បូងឃ្មុំ កោះកុង និងខេត្តកណ្តាល។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ផ្តល់សិទ្ធិដោយ៖ Helloគ្រូពេទ្យ