អ្នកឆ្លងកូវីដ-១៩នៅទូទាំងពិភពលោកកើនលើស៤លាននាក់ និងស្លាប់ជិត២៨ម៉ឺននាក់ហើយ

យោងតាមការរបាយការណ៍ដែលចុះផ្សាយដោយគេហទំព័រ worldometers បានឲ្យដឹងថា គិតត្រឹមព្រឹកថ្ងៃទី០៩ ខែឧសភា ឆ្នាំ២០២០នេះ ចំនួនអ្នកឆ្លងវីរុសកូវីដ១៩ទាំងអស់នៅទូទាំងពិភពលោកបានកើនឡើងដល់ ៤,០១២,៨៤១នាក់ និងបានសម្លាប់មនុស្សចំនួន ២៧៦,២១៦នាក់ ព្រមទាំងមានអ្នកជាសះស្បើយចំនួន ១,៣៨៥,១៨៤។

នៅក្នុងផងដែរ ប្រទេសដែលឈរលំដាប់កំពូលមានអ្នកឆ្លង និងស្លាប់ច្រើនជាងគេ គឺនៅតែជាសហរដ្ឋអាមេរិក ដែលមានអ្នកឆ្លងទូទាំងប្រទេសសរុប ១,៣២១,៧៨៥ នាក់ អ្នកស្លាប់សរុប ៧៨,៦១៥ នាក់ និងជាសះស្បើយចំនួន ២២៣,៦០៣ នាក់។ ចំណែកឯប្រទេសឈរលំដាប់ទី២គឺ ប្រទេសអេស្ប៉ាញ ដែលមានអ្នកឆ្លងទូទាំងប្រទេសសរុប ២៦០,១១៧ នាក់ អ្នកស្លាប់សរុប ២៦,២៩៩ នាក់ និងជាសះស្បើយចំនួន ១៦៨,៤០៨ នាក់៕