ព្រឹកនេះកម្ពុជារកឃើញករណីវិជ្ជមានកូវីដ១៩ លើបុរសជនជាតិខ្មែរ-បារាំងម្នាក់ ធ្វើដំណើរមកពីប្រទេសបារាំងស្នាក់នៅ សង្កាត់ភ្នំពេញថ្មី ខណ្ឌសែនសុខ
ព័ត៌មានជាតិ June 7, 2020 Khmernote

មុននេះបន្តិចក្រសួងសុខាភិបាលបានប្រកាសឲ្យដឹងថា ព្រឹកនេះរកឃើញបុរសខ្មែរ បារាំងម្នាក់ អាយុ ៣០ឆ្នាំ ដែលបានធ្វើដំណើរចាកចេញពីប្រទេសបារាំង តាមជើងហោះហើរពីកូរ៉េខាងត្បូង ចូលមកដល់រាជធានីភ្នំពេញនៅថ្ងៃទី២៤ ខែឧសភា ឆ្នាំ២០២០ ស្នាក់នៅសង្កាត់ភ្នំពេញថ្មី ខណ្ឌសែនសុខ។ ក្រុមគ្រូពេទ្យបានយកសំណាករបស់គាត់ទៅពិនិត្យឡើងវិញ នៅថ្ងៃទី ១៣ នៃថ្ងៃធ្វើចត្តាឡីស័កនៅផ្ទះរបស់គាត់ ទទួលបានលទ្ធផលវិជ្ជមាននៅថ្ងៃទី ០៦ មិថុនា នេះ។

បច្ចុប្បន្ន ក្រុមគ្រូពេទ្យបានបញ្ជូនគាត់ទៅសម្រាកព្យាបាលនៅមន្ទីរពេទ្យមិត្តភាពខ្មែរ សូវៀត។ សូមបញ្ជាក់ថា សរុបទាំងករណីថ្មីមួយករណីនេះផង កម្ពុជារកឃើញអ្នកកើតជំងឺកូវីដ១៩ចំនួន ១២៦នាក់ហើយ៕