ព័ត៌មានជាតិ

ស្នងការដ្ឋាននគរបាលរាជធានីភ្នំពេញ ច្រានចោលព័ត៌មាននាយរងប៉ុស្តិ៍ទទួលគ្រោះថ្នាក់ ហើយរដ្ឋមិនជួយមើលថែ ទុកឲ្យគ្រួសារអ្នករ៉ាប់រងវិញ

BY: srey nuch

: July 2, 2020

ភ្នំពេញ៖ យោងតាមសេចក្តីបកស្រាយបំភ្លឺបន្ថែម ចំពោះការចុះផ្សាយព័ត៌មានមិនពិតរបស់គណនីហ្វេសប៊ុកឈ្មោះ អ៉ឹម សុភាព ដើម្បីទទួលបានព័ត៌មានកាន់តែច្បាស់លាស់អំពីករណីចុះផ្សាយចោទប្រកាន់មកលើសមត្ថកិច្ចរបស់ហ្វេសប៊ុកឈ្មោះ អ៉ឹម សុភាព នៅព្រឹកថ្ងៃទី០២ ខែមិថុនា ឆ្នាំ២០២០ លោកនាយប៉ុស្តិ៍នគរបាលរដ្ឋបាលទៀន ខណ្ឌដង្កោ បានដឹកនាំមន្ត្រីដើម្បីសួរសុខទុក្ខលោកអនុសេនីយ៍ឯក អ៉ឹម ធាវី ដែលទើបចេញពីមន្ទីរពេទ្យមកសម្រាកព្យាបាលនៅផ្ទះក្នុងឱកាសនោះក្រុមការងារបានយកជាសម្ភារៈ និងថវិកាចំនួន ២,៣០០,០០០រៀល មកជួយឧបត្ថម្ភផងដែរ ។

លោកអនុសេនីយ៍ឯក អ៉ឹម ធាវី បានសម្តែងការសោកស្តាយ ដែលសមាជិកម្នាក់របស់ក្រុមគ្រួសារគាត់មិនដឹងព័ត៌មានច្បាស់លាស់ បែរជាចុះផ្សាយព័ត៌មានមិនពិត ធ្វើឲ្យប្រជាពលរដ្ឋមានការយល់ច្រឡំ ម្យ៉ាងវិញទៀតធ្វើឲ្យប៉ះពាល់ដល់កិត្តិយសរបស់នគរបាលជាតិផងដែរ ។ លោក អ៉ឹម ធាវី សូមធ្វើការបដិសេធ និងច្រាលចោលទាំងស្រុងចំពោះព័ត៌មានមិនពិតដែលបានចុះផ្សាយលើហ្វេសប៊ុកឈ្មោះ អ៉ឹម សុភាព ដែលធ្វើការចោទប្រកាន់ដោយខ្លួនឯងផ្ទាល់មិនដែលបានទទួលព័ត៌មានអ្វីសោះពីក្រុមគ្រួសារ។

លោក អ៉ឹម ធាវី បានបញ្ជាក់បន្ថែមថា លោកពិតជាមានការសប្បាយរីករាយ និងអរគុណដល់ថ្នាក់ដឹកនាំ និងមន្ត្រីរួមការងារទាំងអស់ ជាពិសេសឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ដែលតែងតែយកចិត្តទុក្ខដាក់យ៉ាងខ្លាំងដល់សុខទុក្ខរបស់មន្ត្រីក្រោមឱវាទទាំងអស់។ ជាពិសេសទាំងនៅពេលជួបគ្រោះថ្នាក់ ពេលកំពុងសម្រាកព្យាបាលនៅមន្ទីរពេទ្យ និងពេលចេញពីមន្ទីរពេទ្យមកសម្រាកនៅផ្ទះតែងតែមានការយកចិត្តទុកដាក់ សួរសុខទុក្ខ និងជួយឧបត្ថម្ភជាប្រចាំ ជាពិសេសគឺជាការផ្តល់កម្លាំងចិត្តមួយយ៉ាងខ្លាំងដល់រូបគាត់ដែលត្រូវបានថ្នាក់ដឹកនាំ និងមន្ត្រីរួមការងារទាំងអស់យកចិត្តទុកដាក់ដល់សុខទុក្ខរបស់គាត់ ៕
មានវីដេអូ ៖

ប្រភព៖ ស្នងការដ្ឋាននគររាជធានីភ្នំពេញ

Share This Post:

SPONSOR

អត្តបទទាក់ទង

សម្តេចតេជោ ហ៊ុន សែន ឆ្លើយតបទៅ សាពូន មីដាដា ដែលបង្ហោះថាបានទទួលលុយ និងទ្រព្យសម្បត្តិដ៏ច្រើនសន្ធឹកពីសម្តេច

អ្នកនាំពាក្យ៖ ហ្វូងដំរីព្រៃ បង្ហាញវត្តមានកើនឡើងជាងបណ្តាឆ្នាំមុនៗ នៅតាមតំបន់ការពារធម្មជាតិ

យន្តហោះខ្នាតតូចចំនួន ១៦គ្រឿង នឹងធ្វើការហោះសម្តែងនៅទីលានតេជោ ខេត្តព្រះសីហនុ នាថ្ងៃទី២៦-២៧ ខែមេសាខាងមុខ