ដូណល់ត្រាំ ប្រកាសលុបចោលជំនួបជាមួយនឹង គីម ជុងអ៊ុន វិញភ្លាមៗ

សហរដ្ឋអាមេរិក៖ ជុំជួបប្រវត្តិសាស្ត្ររវាងលោក ដូណល់ ត្រាំ ប្រធានាធិបតីសហរដ្ឋអាមេរិក និងមេដឹកកូរ៉េខាងជើង លោក គីម ជុងអ៊ុន នៅខែក្រោយនេះ ត្រូវបានលុបចោលវិញ ធ្វើឲ្យមានការភ្ញាក់ផ្អើលយ៉ាងខ្លាំង។

តាមរយៈលិខិត ដែលចុះហត្ថលេខាដោយលោក ដូណល់ ត្រាំ បានឲ្យដឹងថា ដោយសារតែអាក្បកិរិយាខឹងសម្បា និងភាពអរិភាពរបស់កូរ៉េខាងជើង ទើបអាមេរិកសម្រេចលុបកិច្ចប្រជុំនេះ ហើយត្រូវការពេលវេលាបន្ថែមទៀត ដើម្បីរៀបចំគម្រោងកិច្ចប្រជុំនេះម្តងទៀត។ ហើយសហរដ្ឋអាមេរិក៏បានអួតពីភាពអស្ចារ្យនៃវិស័យយោធារបស់ខ្លួនផងដែរ ដោយព្រមានកូរ៉េខាងជើងថា កុំឲ្យខ្លួនប្រើអាវុធទាំងនោះឲ្យសោះ។

នៅក្នុងលិខិតនោះផងដែរក៏បានអះអាងដែរថា ប្រសិនបើមេដឹកកូរ៉េខាងជើងផ្លាស់ប្តូរឥរិយាបថ ប្រទេសទាំង២នឹងអាចរចាគ្នាបើ ហើយសង្ឃឹមថាកូរ៉េខាងជើងនឹងមិនធ្វើឲ្យបាត់បង់ឱកាសនេះ ដើម្បីរក្សាសន្តិភាព និងភាពរុងរឿងរបស់ប្រទេសឡើយ៕

អត្ថបទ៖ សេម
ប្រភព៖ channelnewsasia