ក្រុមជម្រើសជាតិអេស្ប៉ាញនិងព័រទុយហ្គាល់បានជួបគ្នាចំនួន 35 ដងដោយអេស្ប៉ាញបានឈ្នះ 16 ប្រកួតនិងស្មើចំនួន 13 ប្រកួត។ ការជួបគ្នាក្នុងព្រឹត្តិការណ៍បាល់ទាត់ពិភពលោក World Cup គឺមានតែម្តងតែប៉ុណ្ណោះគឺនៅឆ្នាំ 2010 នៅពេលដែលអេស្ប៉ាញបានទទួលជ័យជម្នះក្នុងលិទ្ធផល 1-0 នៅក្នុងវគ្គ 16 ក្រុមចុងក្រោយ។

ព័រទុយហ្គាល់នឹងព្យាយាមដើម្បីក្លាយទៅជាប្រទេសទីបួនដែលឈ្នះពានរង្វាន់អឺរ៉ុប (Euro) និងការប្រកួតបាល់ទាត់ពិភពលោក (World Cup) បន្ទាប់គ្នា។ ក្រុមដទៃទៀតគឺអាល្លឺម៉ង់ខាងលិច (អឺរ៉ូ 1972, World Cup 1974), បារាំង (World Cup 1998, Euro 2000) និងអេស្ប៉ាញ (Euro 2008, World Cup 2010) ។ ក្រុមព័រទុយហ្គាល់បានចាញ់តែមួយក្នុងចំណោមការប្រកួត 9 លើកចុងក្រោយនៃការប្រកួត World Cup របស់ពួកគេដែលជាការចាញ់ 4-0 ទល់នឹងអាល្លឺម៉ង់ក្នុងឆ្នាំ 2014 ។

ចំនែកអេស្ប៉ាញបានបញ្ចប់ក្នុងចំណាត់ថ្នាក់កំពូលក្នុងវគ្គចែកពូលបីលើកក្នុងចំណោមការប្រកួត World Cup ចំនួនបួនលើកចុងក្រោយរបស់ពួកគេ។ ទោះជាយ៉ាងណាក៏ដោយពួកគេបានឈ្នះតែពីរប្រកួតប៉ុណ្ណោះក្នុងចំណោម 12 ប្រកួតក្នុងថ្ងៃប្រកួតបើកឆាករបស់ពួកគេ (D3, L7) ។ អេស្ប៉ាញមិនដែលធ្លាក់ក្នុងវគ្គជម្រុះ World Cup ចាប់តាំងពីឆ្នាំ 1993 ប៉ុន្តែធ្លាប់មានប្រវត្តិជូរជត់ដែលបានចាញ់ទាំង៣ប្រកួតនៅក្នុងវគ្គចែកពូល។

អត្ថបទ៖ ប៊ុនហួរ
ប្រភព៖ BBC