ខ្សែបម្រើ Paulinho របស់ក្លឹប Barcelona បានផ្ទេរទៅកាន់ក្លឹបចាស់របស់គេ Guangzhou Evergrande FC ក្នុងលក្ខណៈខ្ចីជើងជាផ្លូវការហើយកាលពីម្សិលមិញ។

បន្ទាប់ពីជួយក្រុមជម្រើសជាតិប្រេស៊ីលអស់លទ្ធភាពត្រឹមវគ្គ 8 ក្រុមចុងក្រោយ ខ្សែបម្រើ Paulinho បានសម្រេចចិត្តចាកចេញពីក្លឹប Barcelona ទៅកាន់ក្លឹបចាស់របស់គេនៅឯប្រទេសចិនវិញ បន្ទាប់ពីខ្សែបម្រើរូបនេះចំណាយពេលជាមួយនឹងក្លឹប Barcelona ពេញមួយរដូវកាល។

ការផ្ទេររបស់ Paulinho ទៅកាន់ក្លឹប Guangzhou Evergrande FC នេះគឺក្នុងលក្ខខ័ណ្ឌខ្ចីជើងពីក្លឹប Barcelona 1 រដូវកាលដើម្បីឲ្យ Paulinho ដកស្រង់បទពិសោធន៍បន្ថែមពីក្លឹបចាស់របស់គេ។

Paulinho បានផ្ទេរពីក្លឹប Guangzhou Evergrande FC មកកាន់ Barcelona កាលពីរដូវកាលមុនដោយបង្ហាញខ្លួនឲ្យ Barcelona បានចំនួន 49 ប្រកួតនិងសុតបញ្ចូលទីបានចំនួន 9 គ្រាប់។ ហើយនៅក្នុងរដូវកាលមុនក្នុងក្របខ័ណ្ឌ Laliga ខ្សែបម្រើ Paulinho ចាប់ចំណាត់ថ្នាក់លេខ 1 ជាខ្សែបម្រើដែលសុតបញ្ចូលទីបានច្រើនជាងគេ។

ប៊ុនហួរ

ប្រភព៖ Goal