Zenfone Max Pro M1 ទូរស័ព្ទលំដាប់ថវិកាដែលមានកម្លាំងខ្លាំង

កាលពីថ្ងៃទី ១៣ ខែកក្កដា កន្លងទៅនេះ ក្រុមហ៊ុន Asus បានប្រកាសលក់ជាផ្លូវការនៅទូរស័ព្ទស៊េរីថ្មីរបស់ខ្លួនដល់ទៅ៣ ម៉ូឌែល ASUS Zenfone Max Pro M1​ , Zenfone 5 និង Zenfone 5z។ ក្នុងឱកាសនោះផងដែរលោក Robert Tu ស្មាតហ្វូន Zenfone Max Pro M1 គឺជាម៉ាកសញ្ញាផលិតផលមួយរបស់ ASUS ដែលបានចេញ 4 ជំនាន់មកហើយ ដែលមិនដែលធ្វើអោយអ្នកប្រើប្រាស់ខកចិត្តម្តងណាឡើយ ជាពិសេស គឺសមត្ថភាព និងតម្លៃ។ ជាមួយនឹង Zenfone Max Pro M1 ក៏មិនខុសពីជំនាន់មុនៗដែរ ដោយវាបានបំពាក់នៅទំហំថ្មដល់ទៅ ៥០០០ mah ដែលងាយស្រួលក្នុងការលេងហ្គេមរយះពេលយូរ ដោយអាចលេង Rule of Survival បានដល់ទៅ ៩ម៉ោង។ ចំពោះអេក្រង់របស់ Zenfone Max Pro M1 មានទំហំដល់ទៅ​ ៦ inch ក្នុងកម្រិតបង្ហាញរូបភាព Full HD+ ហើយមានកាមេរ៉ាភ្លោះមានទំហំ ១៣មេហ្គាភិចសែល ដោយអាចថតរូបព្រាល Background បានស្អាតដូចកាមេរ៉ាអាជីព។ ហើយចំពោះតម្លៃរបស់វាគឺត្រឹមតែ១៧៩ដុល្លារ តែប៉ុណ្ណោះ ហើយលោកអ្នកនឹងទទួលបានការបញ្ចុះតម្លៃ ១០ដុល្លារក្នុងការជាវកក់ទុកមុនលើគេហទំព័រ La Rue MyPhsar និង Khmer24។

គួរបញ្ជាក់ផងដែរថា Zenfone Max Pro M1 ជាម៉ាស៊ីនទូរស័ព្ទដែលសង្កត់ធ្ងន់ទៅលើប្រតិបត្តិការដូចនេះហើយទើបវាបំពាក់ទំហំថ្មដល់ទៅ ៥០០០ mah ដែលងាយស្រួលក្នុងការលេងហ្គេមធំៗ ហើយចំពោះតម្លៃក៏សាកសមទៅនឹងសមត្ថភាពរបស់វាផង ដែរហើយសម្រាប់ Zenfone 5 ដែលជាម៉ូឌែលថ្មីផងដែរនោះមានតម្លៃត្រឹមតែ ៣៤៩ ដុល្លារ និង Zenfone 5z មានតម្លៃត្រឹមតែ៥០០ ដុល្លារតែប៉ុណ្ណោះ៕