ខ្សែបម្រើប្រយុទ្ធសញ្ជាតិ Chile Arturo Vidal បានចាកចេញពីក្លឹបអាឡឺម៉ង Bayern Munich ទៅកាន់ក្លឹបអ្នកមានបុណ្យ FC Barcelona ជាផ្លូវការហើយក្នុងតម្លៃផ្តាច់កុងត្រា ១៧លានអឺរ៉ូ។​ មុននឹងការចាកចេញមកកាន់ក្លឹប Barcelona Arturo Vidal ក៏ត្រូវបានក្លឹប AC Milan ទាក់ទងទៅកាន់លីគ អ៊ីតាលី ផងដែរប៉ុន្តែរូបគេបានបដិសេធសំណើរមួយនេះ ហើយមកចូលរួមជាមួយ Barcelona ដែលក្លឹបអ្នកមានបុណ្យនេះកំពុងត្រូវការខ្សែបម្រើប្រយុទ្ធខ្លាំងមែនទែនក្រោយពី Paulinho និង Andres Iniesta បានចាកចេញពីក្លឹប។

គួរបញ្ជាក់ផងដែរថា Arturo Vidal ជាខ្សែបម្រើប្រយុទ្ធដ៏សំខាន់មួយរបស់ក្លឹប Bayern Munich ដោយរូបគេបានជួយ Bayern Munich លើកពាន Bundesliga ៣​ ឆ្នាំជាប់គ្នា ហើយរូបគេរកបាន២២ គ្រាប់ក្នុងការបង្ហាញខ្លួន ១២៣ ប្រកួតអោយ Bayern Munich៕

ប្រភព៖ Marca

អត្ថបទ៖ សំរិទ្ធ