រដ្ឋបាលខេត្តសៀមរាប សម្រេចបញ្ចប់ទីតាំងត្រួតពិនិត្យសុខភាពបឋម ស្រង់ព័ត៌មាន និងសេ្កន QR Code ចំពោះអ្នកធ្វើដំណើរចូលមកក្នុងខេត្តសៀមរាប

ខេត្តសៀមរាប៖ យោងតាមការចុះផ្សាយរបស់ រដ្ឋបាលខេត្តសៀមរាប បានចេញសេចក្ដីជូនដំណឹង ស្ដីពីការបញ្ចប់ទីតាំងត្រួតពិនិត្យសុខភាពបឋម ស្រង់ព័ត៌មាន និងសេ្កន QR Code “ទប់ស្កាត់កូវីដ-១៩” ចំពោះអ្នកធ្វើដំណើរចូលមកក្នុងខេត្តសៀមរាប។

ដោយរដ្ឋបាលខេត្តសៀមរាប ជម្រាបជូនថា រដ្ឋបាលខេត្ត បញ្ចប់ទីតាំងត្រួតពិនិត្តសុខភាពបឋម ដើម្បីស្រង់ព័ត៌មាន និងស្កេន QR Code “ទប់ស្កាត់កូវីដ-១៩” នៅចំណុចព្រំប្រទល់ខេត្តសៀមរាប ចំនួន ៣ទីតាំង រួមមាន៖ ព្រំប្រទល់ស្រុកជីក្រែង-ស្រុកស្ទោងនៃខេត្តកំពង់ធំ ព្រំប្រទល់ស្រុកក្រឡាញ់ ស្រុកព្រះនេត្រព្រះ នៃខេត្តបន្ទាយមានជ័យ និងព្រំប្រទល់ស្រុកស្រីស្នំ-ស្រុកចុងកាល់ នៃខេត្តឧត្តរមានជ័យ ចាប់ពីថ្ងៃចេញសេចក្ដីជូនដំណឹងនេះតទៅ។

អាស្រ័យហេតុនេះ សូមសម្តេច ឯកឧត្តរ លោកជំទាវ លោកឧកញ៉ា លោក លោកស្រី បងប្អូន ប្រជាពលរដ្ឋ ក្រុមហ៊ុនដឹកជញ្ជូនដំណើរ សមាគមន៍ដឹកជញ្ជូនអ្នកដំណើរគ្រប់ប្រភេទ និងសាធារណជនទូទៅ មេត្តាជ្រាមជាព័ត៌មាន ៕

ប្រភព៖ រដ្ឋបាលខេត្តសៀមរាប