លោក ឡុង ឌីម៉ង់ អតីតឯកអគ្គរាជទូត​កម្ពុជា​ប្រចាំ​កូរ៉េខាងត្បូង ត្រូវបានតែងតាំងជា អភិបាលរង ខេត្តព្រះសីហនុ

យោងតាមអនុក្រឹត្យលេខ ៤៧០ អនក្រ.ភត ដែលចុះហត្ថលេខាដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើការតែងតាំងលោក ឡុង ឌីម៉ង់ អតីតឯកអគ្គរាជទូត​កម្ពុជា​ប្រចាំ​កូរ៉េខាងត្បូង ជាអភិបាលរង នៃគណៈអភិបាលខេត្តព្រះសីហនុ។

គួរបញ្ជាក់ផងដែរថាលោក ឡុង ឌីម៉ង់ បានបំពេញបេសកកម្មការទូតតំណាងកម្ពុជានៅកូរ៉េខាងត្បូងរយៈ ៥ឆ្នាំ ហើយបានបិទបញ្ចប់ជាផ្លូវការកាលពីថ្ងៃទី១០ ខែកញ្ញា ឆ្នាំ២០២១ ហើយលោកបានធ្វើមាតុភូមិនិវត្តន៍មកដល់កម្ពុជាវិញ៕