សួស្តីបងប្អូនទាំងអស់គ្នា ថ្ងៃនេះដែរយើងមានរូបមន្តឆាគុយទាវសរសៃធំស្ពៃក្តោបមកចែកជូន តោះចង់ដឹងថាមានរសជាតិឈ្ងុយឆ្ងាញ់បែបណាយើងមកមើលគ្រឿងផ្សំនិងវិធីធ្វើទាំងអស់គ្នា៖

*គ្រឿងផ្សំ

1. ស្ពៃក្តោប ១ផ្លែ
2. ប្រេងសម្រាប់ឆា​ ១ស្លាបព្រាបាយ
3. ខ្ទឹមសចិញ្រ្ចាំ ២ស្លាបព្រាបាយ
4. ស្ករស ៤ស្លាបព្រាកាហ្វេ
5. ទឹកស៊ីអ៉ីវផ្អែម ១ស្លាបព្រាកាហ្វេ
6. ទឹកស៊ីអ៉ីវ ២ស្លាបព្រាបាយ
7. គុយទាវសរសៃធំ ៣០០ក្រាម
8. ទឹកស៊ីអ៉ីវសៀង ១ស្លាបព្រាបាយ
9. ម្រេចម៉ត់ តាមចំណូលចិត្ត
10. ពងមាន់ ៣គ្រាប់

*វិធីធ្វើ

• ចាក់ប្រេងឆាចូលក្នុងខ្ទះរង់ចាំអោយខ្ទះក្តៅ រួចដាក់ខ្ទឹមសចូលទៅ លីងអោយឈ្ងុយនិងលឿងល្អរួចស្រង់យកខ្ទឹមសឡើង រួចដាក់ស្ពៃក្តោបចូលទៅឆាអោយឆ្អិន
• ក្រោយមកទៀតដាក់គុយទាវសរសៃធំចូលទៅឆាផ្សំរសជាតិដោយ ស្ករស ទឹកស៊ីអ៉ីវផ្អែម ពងមាន់ ទឹកស៊ីអ៉ីវ ទឹកស៊ីអ៉ីវសៀង ម្រេច ឆាអោយចូលគ្នាល្អ ដួសដាក់ចានរោយពីលើដោយ ខ្ទឹមសបំពងរួចរាល់ជាការស្រេច។