[ទំព័រម្ហូប] ប្រហុកគ្រឿងរូបមន្តពិសេស ប្រហុកបុកជាមួយគ្រឿងរសជាតិដិត ញ៉ាំជាមួយអន្លក់ខ្ចីៗ ឆ្ងាញ់អស់ទាស់

សួស្តីបងប្អូនទាំងអស់គ្នា ថ្ងៃនេះដែរយើងមានរូបមន្ត ប្រហុកគ្រឿង មកផ្ញើ តោះចង់ដឹងថាមានលក្ខណះខុស រឺដូច ប្រហុកយើងយ៉ាងណានោះ យើងមកមើលគ្រឿងផ្សំនិងវិធីធ្វើទាំងអស់គ្នា៖

គ្រឿងផ្សំ៖ 1-ម្ទេសប្លោកវែង ៧គ្រាប់, 2-ម្ទេសស្រស់ ៣គ្រាប់, 3-ប្រហុកសាច់ ១០០ក្រាម, 4-ខ្ទឹមក្រហម ៣០ក្រាម, 5-ខ្ទឹមស ៣០ក្រាម, 6-ទឹកប្រហុកស្ងោរឆ្អិន ២ 1/2 ស្លាបព្រាបាយ, 7-ទឹកក្រូចឆ្មា ១ស្លាបព្រាបាយ, 8-ស្ករស ១ស្លាបព្រាបាយ, 9-ស្លឹកខ្ទឹម ១ដើម, 10-ជីបារាំង ១ដើម, 11-បន្លែអន្លក់ តាមចំណូលចិត្ត

វិធីធ្វើ៖ យកប្រហុកមកខ្ចប់ស្លឹកចេកអោយឈ្ងុយ, ក្រោយមកទៀត យក ខ្ទឹមក្រហម ម្ទេស និង ខ្ទឹមស មកលីងអោយឆ្អិននិងឈ្ងុយល្អ រួចយកមកបុកចូលគ្នាអោយម៉ត់ រួចដាក់ប្រហុកចូល រួចផ្សំរសជាតិ ក្រូចឆ្មា និង ស្ករស កូរលាយអោយចូលគ្នា ភ្លក់រសជាតិតាមចំនូលចិត្ត រួចរោយដោយស្លឹកខ្ទឹម និង ជីបារាំង, រួចដួសដាក់ចាន ទទួលទានជាមួយនិង បន្លែស្រុះ និង ត្រសក់ ជាការស្រេច។