សួស្តីបងប្អូនទាំងអស់គ្នា ថ្ងៃនេះដែរយើងមានរូបមន្ត ស៊ុបមាន់បែបចិនមកចែកជូន វិធីធ្វើងាយៗថែមទាំងបានសុខភាពល្អថែមទៀតផង តោះយើងមកមើលគ្រឿងផ្សំនិងវិធីធ្វើទាំងអស់គ្នា៖

*គ្រឿងផ្សំ

1. ភ្លៅមាន់ជាប់សាច់ត្រគាកមាន់ ៤ដុំ
2. គ្រឿងស៊ុបមាន់ចិន ១កញ្ចប់
3. អំបិល ១ស្លាបព្រាបាយ
4. ប្រេងខ្យង ៣ស្លាបព្រាបាយ
5. ទឺកស៊ីអ៉ីវសៀង ២ស្លាបព្រាបាយ
6. ស្ករស 1/2 ស្លាបព្រាបាយ
7. ដុំស៊ុបខ្នរ ១ដុំ
8. ផ្សិតក្រៀម តាមចំណូលចិត្ត

*វិធីធ្វើ

• យកសាច់មាន់មកលាងទឹកអោយស្អាត រួចត្រៀមគ្រឿងស៊ុបមាន់ចិន
• យកផ្សិតក្រៀមមកត្រាំទឹកអោយរីកទន់ល្អរួចកា់ត់ផ្នែកដើមដែលរឹងចេញ លាងទឹកអោយស្អាតរួចស្រង់ឡើង
• ដាំទឹកអោយពុះ រួចដាក់មាន់ចូលទៅ រួចដួសពពុះចេញ ក្រោយមកទៀតដាក់គ្រឿងស៊ុបមាន់ចិនចូលទៅ ផ្សំរសជាតិដោយគ្រឿងផ្សំដែលបានត្រៀមទុក រួចដាក់ផ្សិតចូលទៅបន្តការរំងាស់រយះពេល ១ម៉ោង ភ្លក់រសជាតិតាមចំណូលចិត្ត រួចបិទភ្លើងដួសដាក់ចានជាការស្រេច។