ឃាត់ខ្លួនចិនម្នាក់ទៀត ជាមួយគ្រឿងញៀនជាច្រើនកញ្ចប់

ក្រុងព្រះសីហនុ-កាលពីម៉ោង២យប់រំលងអាធ្រាត្រឆ្លងចូលថ្ងៃទី0៤ ខែតុលា ឆ្នាំ២០១៨ នៅក្រុម៩ភូមិ០១ សង្កាត់លេខ៣ ក្រុងព្រះសីហនុ កម្លាំងការិយាល័យនគរបាលប្រឆាំងគ្រឿងញៀនខេត្តព្រះសីហនុ បានចុះបង្ក្រាបបទល្មើសគ្រឿងញៀន១ករណី ឃាត់ខ្លូនជនសង្ស័យម្នាក់ជាជនជាតិចិន។ វត្ថុតាងដកហូតបានរួមមានម្សៅក្រាមពណ៍សរថ្លាសង្ស័យជាសារធាតុញៀនចំនួន៩ កញ្ចប់ធំ,ថ្នាំញៀនប្រភេទគ្រាប់ WY ចំនួន៥ គ្រាប់, ប្រភេទថ្នាំសប្បាយចំនួន៦គ្រាប់ ទូស័ព្ទ១គ្រឿង និងសម្ភារៈប្រើប្រាស់គ្រឿងញៀនមួយចំនួនទៀត។ នគរបាលកំពុងសាកសួរ សាវតារបស់ជនសង្សយ័បន្ថែមតាមនិតិវិធីដើម្បីរៀបចំសំណុំរឿងបញ្ជូនទៅសាលាដំបូងខេត្តដើម្បីផ្តន្ទាទោសតាមច្បាប់៕