អន្តរជាតិ

ប្រទេសចិនបានបិទខ្ទប់ទីក្រុងមួយដែលមានពលរដ្ឋជាង ៥ លាននាក់ ដើម្បីទប់ស្កាត់ការរីករាលដាលនៃជំងឺ១៩ វ៉ារ្យ៉ង់អូមីក្រុង

BY: autoadmin

: January 12, 2022

អាជ្ញាធរនៅក្នុងប្រទេសចិនបានដាក់ទីក្រុង Anyang របស់ខេត្ត Henan ស្ថិតនៅក្រោមការបិទខ្ទប់ ដើម្បីទប់ស្កាត់ការរីករាលដាលនៃជំងឺ COVID-19 ។ យោងតាមសារព័ត៌មាន Daily Mail បានឱ្យដឹងថា ការឆ្លងក្នុងស្រុកចំនួន ៨៤ ករណី បូករួមទាំងករណីរបស់វ៉ារ្យ៉ង់ អូមីក្រុង ត្រូវបានបញ្ជាក់នៅក្នុងទីក្រុង Anyang ចន្លោះពីថ្ងៃសៅរ៍ ដល់ព្រឹកថ្ងៃអង្គារ ហើយអាជ្ញាធរមូលដ្ឋាន ក៏បានចាប់ផ្ដើមហាមប្រជាជនមិនឱ្យចាកចេញពីផ្ទះសម្បែងចាប់ពីថ្ងៃចន្ទមក ដែលគ្របដណ្ដប់លើពលរដ្ឋរបស់ទីក្រុងប្រមាណ ៥ លាននាក់។

យានយន្តត្រូវបានហាមឃាត់មិនឱ្យជិះតាមដងផ្លូវ ដោយមិនរាប់បញ្ចូលរថយន្តដែលជារបស់ប៉ូលិស នាយកដ្ឋានពន្លត់អគ្គិភ័យ និងសេវាសំខាន់ៗផ្សេងទៀត ខណៈរោងចក្រត្រូវបានជំរុញឱ្យផ្អាកប្រតិបត្តិការជាបណ្ដោះអាសន្ន។ អាជ្ញាធរក្នុងប្រទេសចិនក៏កំពុងបង្កើនការប្រុងប្រយ័ត្នបន្ថែម មុនការប្រកួតកីឡាអូឡាំពិករដូវរងាក្រុងប៉េកាំងក្នុងខែកុម្ភៈចូលមកដល់។

ស្របពេលជាមួយគ្នានេះដែរ ទីក្រុង Tianjin បាននិងកំពុងធ្វើតេស្ត PCR លើអ្នកស្រុកជាង ១៣ លាននាក់ ដោយសារការឆ្លងជំងឺ COVID-19 វ៉ារ្យ៉ង់ អូមីក្រុង ក្នុងសហគមន៍ ត្រូវបានកំណត់អត្តសញ្ញាណនៅទីនោះ។ ចំណែកកាលពីសប្ដាហ៍មុន ទីក្រុង Xi’an នៃខេត្ត Shaanxi ដែលមានប្រជាជនប្រហែល ១៣ លាននាក់ ក៏ត្រូវបានដាក់ឱ្យស្ថិតនៅក្រោមការបិទខ្ទប់រយៈពេល ២០ថ្ងៃ ដោយសារតែការរីករាលដាលនៃការឆ្លងជាមួយនឹងវ៉ារ្យ៉ង់ ដែលតា ៕

អត្ថបទ៖ លីដា
ប្រភព៖ Daily Mail

Share This Post:

SPONSOR

អត្តបទទាក់ទង

មនុស្ស ២នាក់បានបាត់បង់ជីវិត នៅក្នុងហេតុការណ៍មានភ្លើងឆេះបន្ទប់សូណាមួយកន្លែងនៅប្រទេសជប៉ុន

ជប៉ុនរងការវាយប្រហារដោយគ្រោះរញ្ជួយដីកម្រិត ៥,៧រ៉ិចទ័រ