បង្ក្រាបមេក្លោងជួញដូរគ្រឿងញៀនដ៏ធំជនជាតិឡាវ រឹបអូសបានគ្រឿងញៀនមិនចេះតិច

ខេត្តស្ទឹងត្រែង៖ កាលពីវេលាម៉ោង០៩ និង៤៥នាទីព្រឹកថ្ងៃទី០៣ ខែមីនា ឆ្នាំ២០១៨ កម្លាំងនគរបាលការិយាល័យ «ក៥» នៃមន្ទីរប្រឆាំងគ្រឿងញៀន សហការជាមួយកម្លាំងនគរបាលខេត្តស្ទឹងត្រែង បានបើកប្រតិបត្តិការចាប់ខ្លួនមេក្លោងជួញដូរគ្រឿងញៀនដ៏ធំម្នាក់ ដែលជាជាតិឡាវ ដែលការបង្ក្រាបធ្វើឡើងនៅភូមិ​ខាំផាន់​ សង្កាត់​សាមគ្គី​ ក្រុងស្ទឹងត្រែង​ ខេត្តស្ទឹងត្រែង។

ជនសង្ស័យមានឈ្មោះ កុប គីរីប៉ាត់ ភេទប្រុស ជនជាតិឡាវ អាយុ៤៣ឆ្នាំ ទីលំនៅភូមិថាំងឃុក ស្រុក-ខេត្តចំប៉ាសាក់ ហើយវត្ថុតាងដកហូតបានរួមមាន សារធាតុញៀនប្រភេទមេតំហ្វេតាមីន(ICE) ៣០កញ្ចប់ ទម្ងន់ប្រមាណ៣០គីឡូក្រាម៕