ក្លឹប Bayern Munich បានយល់ព្រមលើកិច្ចព្រមព្រៀងទិញខ្សែការពារ Benjamin Pavard ដែលជួយឲ្យបារាំងឈ្នះពានរង្វាន់បាល់ទាត់ពិភពលោក FIFA World Cup ពីក្លឹប Stuttgart ហើយ។

ក្លឹប Stuttgart បានដាក់តម្លៃខ្លួនខ្សែការពារ Benjamin Pavard នៅក្នុងតម្លៃ 35លានអឺរ៉ូ ប្រសិនមានអ្នកណាចង់បានខ្សែការពាររូបនេះនៅក្នុងពេលទីផ្សារដោះដូរកីឡាកររដូវក្ដៅ ប៉ុន្ដែក្លឹប Bayern Munich បានសម្រេចចិត្តទិញខ្សែការពារសញ្ជាតិបារាំងរូបនេះនៅក្នុងខែមករាខាងមុខនេះតែម្ដង ដោយយល់ព្រមបង់ផ្ដាច់កុងត្រា Pavard ក្នុងតម្លៃ 35លានអឺរ៉ូ ទៅឲ្យក្លឹប Stuttgart។

ខ្សែការពារ Benjamin Pavard លេចធ្លាយខ្លាំងក្រោយពេលខ្សែការពាររូបនេះបានជួយឲ្យក្រុមជម្រើសជាតិបារាំងឈ្នះពានរង្វាន់បាល់ទាត់ពិភពលោក FIFA World Cup នៅប្រទេសរុស្សី ជាពិសេស Pavard នេះហើយបានចូលរួមជាអ្នកសុតបាល់បញ្ចូលទីបញ្ចប់ដំណើររបស់ក្រុមជម្រើសជាតិអាហ្សង់ទីននៅក្នុងវគ្គ 16 ក្រុមចុងក្រោយក្នុងពានរង្វាន់ FIFA World Cup។

បុត្រ

ប្រភព៖ Goal