ក្រុមហ៊ុន Versace រងការរិះគន់យ៉ាងខ្លាំង ដោយសារតែប្រើប្រាស់ខោប្រដាល់របស់ថៃ មកដើរបង្ហាញម៉ូដ ហើយធ្វើបែបនេះ

កម្មវិធីបង្ហាញម៉ូត Versace របស់ក្រុមហ៊ុនអ៊ីតាលីត្រូវបានគេចោទប្រកាន់ពីបទ ការអនុម័តមិនសមរម្យ (Cultural Appropriation) ដោយមិនឱ្យ credit ទៅម្ចាស់ដើម លើម៉ូត «ខោប្រដាល់» ថ្មីរបស់ខ្លួន។ ដែលខោខ្លីនោះត្រូវបានបង្ហាញជាសម្លៀកបំពាក់បុរសសម្រាប់ Fall-Winter 2019-20 Collection ដែលបានបង្ហាញខ្លួននៅ Milan Fashion កាលពីថ្ងៃ ទី១២ ខែមករា ២០១៩។

ចំណែកអ្នកនិយមលេងអ៊ីនធឺណិត ក៏បានអំពាវនាវឱ្យក្រុមហ៊ុន Versace មើលឡើងវិញនូវដើមកំណើតនៃខោនេះ ព្រោះវាគឺជាផ្នែកមួយនៃខោខ្លីប្រដាល់ មួយថៃ (Muay Thai) ហើយស្របពេលដែលមួយថៃគឺជាសិល្បៈប្រដាល់ដំណាងឱ្យថៃ និងត្រូវបានឱ្យតម្លៃបំផុតពីប្រជាជនថៃតាំងពីបុរាណមកនោះ ការដែលមិនឱ្យ Credit មកម្ចាស់ដើមគឺជាការមើលងាយ និងមិនផ្ដល់កិត្ដិយសឱ្យម្ចាស់ដើមផងដែរ៕

អត្ថបទ៖ លីដា
ប្រភព៖ nextshark