ច្រៀងក៏ពីរោះ! សម្តែងក៏សម! ឈីន រតនៈ កំពុងទាញប្រជាប្រិយភាពកាន់តែខ្លាំងក្នុងការសម្តែងរឿងភាគ

តារាចម្រៀងកំពុងពេញប្រជាប្រិយ ឈីន រតនៈ កំពុងតែល្បីពេញសាច់ខាងបទចម្រៀង ដែលភាគច្រើនសុទ្ធតែទទួលបានការគាំទ្រយ៉ាងផុសផុលរាល់បទចម្រៀងរបស់នាងដែលបានចេញ។

ថ្មីៗនេះ តារាចម្រៀងកំពុងពេញនិយមក្នុងស្រទាប់យុវវ័យ ឈីន រតនៈ បានសាងភាពភ្ញាក់ផ្អើលសម្រាប់អ្នកគាំទ្រ ដោយនាងបានចេញសម្តែងរឿងភាគជាលើកដំបូងបំផុតក្នុងវិថីសិល្បៈមួយនេះ។

ក្នុងឈុតយ៉ាងកម្សត់ឈឺចិត្តមួយក្នុងរឿង ព្រលិតលំចង់ ដែលបានបង្ហាញពីការប្រមាថរបស់ប្អូនចំពោះបងបង្កើត ឈីត រតនៈ លេងចូលតួបានយ៉ាងកម្សត់ស្រក់ទឹកភ្នែកម៉ាត់ៗតែម្តង។

រឿង ព្រលិតលំចង់ កំពុងតែចាក់ផ្សាយជូនទស្សនានៅលើកញ្ចក់ទូរទស្សន៍ ហង្សមាសHDTV រៀងរាល់ថ្ងៃ ចន្ទ អង្គារ ពុធ ម៉ោង 7-8យប់៕