កាន់តែកាច! The Voice Cambodia ត្រលប់មកវិញក្នុងរដូវកាលថ្មី បញ្ជ្រាបផ្សព្វផ្សាយគុនល្បុក្កតោទៅកាន់ពិភពលោក

ពិតជាយូរគួរសមក្នុងការរង់ចាំកម្មវិធី The Voice Cambodia ត្រលប់មកសារជាថ្មី តែពេលនេះការរង់ចាំបានមកដល់យ៉ាងពិតប្រាកដហើយ។

កំពូលកម្មវិធីប្រឡងចម្រៀងលំដាប់ពិភពលោកដែលមានវត្តមានមុនគេនៅកម្ពុជា The Voice Cambodia បានត្រលប់មកជាថ្មីក្នុងរដូវកាលទី3។

រឹតតែមហាអស្ចារ្យ គ្រូបង្វឹកដ៏មានប្រជាប្រិយទាំង 4រូប ឱក សុគន្ធកញ្ញា – ឆន សុវណ្ណារាជ – ពេជ្រ សោភា – ណុប បាយ៉ារិទ្ធ ត្រូវបានរក្សាវត្តមានដដែល។ តែអ្វីដែលគួរឲ្យចាប់អារម្មណ៍បំផុតនោះ គឺការបញ្ចេញក្បាច់គុណល្បុក្កតោ របស់គ្រូបង្វឹកទាំង4 នៅក្នុងឃ្លីបវីដេអូដែលទើបបញ្ចេញកាលពីយប់មិញនេះគឺពិតជាអស្ចារ្យ។

ពិតជាមិនសរសើរមិនបាននូវគំនិតច្នៃប្រឌិត បញ្ជ្រាបផ្សព្វផ្សាយគុនល្បុក្កតោ ទៅកាន់ពិភពលោកតាមរយៈការប្រកួតប្រជែងចម្រៀងដ៏អស្ចារ្យបែបនេះ៕