កម្មវិធីប្រឡងចម្រៀងកំពុងទទួលបានការគាំទ្រខ្លាំង Duet Song Festival Cambodia បានធ្វើដំណើរមកដល់សប្តាហ៍ទី6ហើយ ដែលកំពុងទទួលបានការចាប់អារម្មណ៍យ៉ាងខ្លាំងក្នុងនាមជាកម្មវិធីថ្មីសន្លាងមិនធ្លាប់មានពីមុនមក។

ហើយអ្វីដែលគួរឲ្យចាប់អារម្មណ៍បំផុតក្នុងសប្តាហ៍ទី 6 នេះគឺក្រុមរបស់តារាចម្រៀង ឈិន ម៉ានិច្ច តែម្តងដែលបានឡើងបកស្រាយបទចម្រៀងរួមគ្នាគឺបទ នារីក្នុងសុបិនបងគឺជាអ្នកណា ។

បេក្ខជន ធឿម ណាវីន បានសាងភាពភ្ញាក់ផ្អើលខ្លាំងពេលបញ្ចេញសំឡេងយ៉ាងពីរោះរហូតធ្វើឲ្យគណៈកម្មការលោក នី រតនា សរសើរមិនដាច់ពីមាត់តែម្តង។ មិនត្រឹមតែមានសំឡេងពីរោះក្រអួនក្រអៅប៉ុណ្ណោះទេ បេក្ខជនម្នាក់នេះថែមទាំងមានរូបសម្បត្តិស្រស់សង្ហាថែមទៀតផង។

គួរបញ្ជាក់ផងដែរថា កម្មវិធី Duet Song Festival Cambodia ចាក់ផ្សាយជូនទស្សនារៀងរាល់ថ្ងៃសៅរ៍ ចាប់ពីម៉ោង 8 យប់តទៅ នៅលើកញ្ចក់ទូរទស្សន៍ រស្មីហង្សមាស HDTV ៕