កាលពីនៅថ្ងៃទី ២១ ខែមករា ឆ្នាំ២១០៩ កន្លងផុត កីឡាករបាល់ទាត់ Emiliano Sala សញ្ជាតិអាស្សង់ទីន បានកំពុងធ្វើដំណើរពីប្រទេសបារាំង មកទីក្រុង cardiff បើកបរដោយ ដាវីត អុីបបត់សុន ដែលបានបាត់ខ្លួននៅក្នុងទឹកដីប្រទេសអង់គ្លេស។ ជាមួយគ្នានោះដែរ សាកសពរបស់លោកត្រូបានរកឃើញកាលពីថ្ងៃពុធ ទី០៦ ខែកុម្ភៈ បន្ទាប់ពីពួកគេរកឃើញបំណែកយន្តហោះនៅព្រឹកថ្ងៃអាទិត្យសប្តាហ៍មុន ។ ប៉ូលីសបានកំណត់អត្តសញ្ញាណថាជា កីឡាករ Sala នៅយប់ថ្ងៃព្រហស្បតិ៍ម្សិលមិញនេះ បន្ទាប់ពីបានបញ្ចូនសាកសពទៅធ្វើកោសល្យវិនិច្ឆយនៅកំពង់ផែ ផតឡែន។

យន្តហោះមួយគ្រឿងនេះ ដែលមានឈ្មោះថា Piper Malibu NZ64DB បានហោះហើរពី ប្រទេសបារាំង ទៅ ទីក្រុង កាឌីហ្វ ប្រទេសអង់គ្លេស បន្ទាប់ពីខ្សែរប្រយុទ្ធសញ្ជាតិអាស្សង់ទីនរូបនេះបានទៅលេងក្លឹបចាស់របស់ខ្លួន Nates ចំនួនពីថ្ងៃ បន្ទាប់ពីក្លឹបប្រកាសលក់ទៅអោយក្លឹប កាឌីហ្វប្រទេសអង់គ្លេសក្នុងតំលៃ ១៥លានផោន ដែលប្រមាណជា ១៨លានដុល្លារសហរដ្ឋអាមេរិច។ បន្ទាប់ពីបញ្ចាក់អត្តសញ្ញាណយ៉ាងច្បាស់ពីប៉ូលីសរួចមក ក្លឹប កាឌីហ្វ បានលើកឡើងថា ” ពួកយើងទាំងអស់គ្នាសូមផ្ញើក្តីអាណិតជាខ្លាំង និង ចូលរួមកាន់ទុក្ខ ជូនទៅដល់គ្រួសាររបស់កីឡាករ Emiliano ផងដែរ។ហើយពួកគេទាំងពីរអ្នក Sala និង David នឹងត្រូវបានពួកយើងចងចាំជានិច្ចនៅក្នុងបេះដូងអ្នករាល់គ្នា”។

អ្វីដែលគួរអោយសោកសង្រេងនោះគឺ Sala មិនទាន់បានបង្ហាញខ្លួនសូម្បីតែមួយដងនៅក្នុងទឹកដីអង់គ្លេសនៅក្នុងក្លឹប Cardiff។ កីឡាករូបនេះមានសញ្ជាតិអាស្សង់ទីន កើតនៅថ្ងៃទី ៣១ ខែតុលា ឆ្នាំ ១៩៩០ ស្លាប់នៅថ្ងៃទី ២១ ខែមករា ឆ្នាំ ២០១៩ ក្នុងវយ័២៨ឆ្នាំ។ រូបគេបានប្រឡូកនៅក្នុងអាជីពជាកីឡាករបាល់ទាត់នៅឆ្នាំ ២០១២ នៅក្នុងក្លឹប Bordeaux និងក្លឹបមួយចំនួនទៀត នៅក្នុងប្រទេសបារាំង។ ពត៌មានមួយនេះបានធ្វើអោយប្រជាជននៅលើពិភពលោកពិតជាមានការសោកស្តាយ និងអាណិត ក្នុងការបាត់បង់កីឡាកររូបនេះជាខ្លាំង ហើយយើងឃើញមានកីឡាករល្បីៗជាច្រើនបានបង្ហោះសារ ដើម្បីចូលរួមរំលែកទុក្ខសព និងគ្រួសាររបស់សព៕