បន្ទាប់ពីក្រុម Manchester United បានបណ្តេញចេញ Jose mourinho ហើយអោយអតីតកីឡាកររបស់ក្លឹប Manchester United គឺលោក Ole Gunnar Solskjaer មកកាន់ជាគ្រូបង្វឹកបណ្តោះអាសន្នមក ពេលនេះក្រុមរបស់លោកមិនទាន់ស្គាល់ពាក្យថាចាញ់នៅឡើយទេ។ ហើយនៅពេលនេះ ក្រុមបិសាចក្រហម Manchester United បានរំកិលខ្លួនទៅលេខ៤ នៃក្របខ័ណ្ឌ English Premier Leage ហើយ ដែលនៅតាមពីក្រោយក្រុមកំពូលតារាង Manchester City ១៤ពិន្ទុ ។
កាលពីថ្ងៃសៅរ៍អាទិត្យមុននេះ ការបង្ហាញខ្លួនរបស់កូនក្រុមលោក Solskjaer បានធ្វើការយ៉ាងល្អ នៅក្នុងជំនួបរវាងក្រុម Mancester United និង ក្រុម Fulham ពួកគេពិតជាធ្វើការបានយ៉ាងល្អ និងយកឈ្នះក្រុមម្ចាស់ផ្ទះ Fulham រហូតដល់ទៅ ៣ ទល់នឹង០។ ហើយកីឡាករដែលក្លាយជា Man of the Match គឺ Paul Pogba ដែលគេអាចរកបានពីរគ្រាប់ ដែលមួយគ្រាប់ ទទួលបាល់ពី Martial នឹងមួយគ្រាប់ទៀតគឺជាការស៊ុតបាល់ពិន័យ ១១ ម៉ែត្រ៕