លោកឧត្តមសេនីយ៍ទោ ម៉ៅ ច័ន្ទមធុរិទ្ធ ប្រកាសថា មន្ត្រីនគរបាលជាតិខេត្តកំពតរូបណា ដែលពាក់ព័ន្ធសារធាតុខុសច្បាប់ នឹងត្រូវបណ្ដេញចេញពីក្របខណ្ឌ

ខេត្តកំពត៖ នៅព្រឹកថ្ងៃទី០៤ ខែតុលា ឆ្នាំ២០២៣ យោងតាមគណនីផេកហ្វេសប៊ុកផ្លូវការរបស់ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការដ្ឋាននគរបាលខេត្ដកំពត បានប្រកាសថា ក្នុងករណីមន្ត្រីនគរបាលជាតិនៃស្នងការដ្ឋាននគរបាលខេត្តកំពតរូបណា ដែលពាក់ពន្ធ័គ្រឿងញៀន នឹងត្រូវបណ្តេញចេញពីក្របខណ្ឌចោលតែម្ដង។

តាមរយៈសារសំណេរប្រកាសរបស់ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការដ្ឋាននគរបាលខេត្ដកំពត បានបង្ហោះរួច ក៏ឃើញមានបងប្អូនជាច្រើន បានចូលទៅខមិនគាំទ្រ និងឯកភាព យ៉ាងពេញទំហឹង នៃការលើកឡើងនូវចំណាត់ការមួយនេះផងដែរ៕

ប្រភព​៖ ស្នងការដ្ឋាននគរបាលខេត្តកំពត