កីឡាករសញ្ជាតិអង់គ្លេស Raheem Sterling ដែលមានអាយុត្រឹមតែ 25ឆ្នាំ បានចូលរួមជាមួយក្រុហហង្សក្រហម Liverpool នៅក្នុងឆ្នាំ ២០១០ និងបានទៅចូលរួមជាមួយក្លឹប Manchester City នៅក្នុងឆ្នាំ ២០១៥ រហូតដល់សព្វថ្ងៃនេះ។ នាពេលថ្មីៗនេះ ក្រុមអធិរាជស Real Madrid កំពុងតែចង់ទិញយកកីឡាករជនជាតិចាមុីកាសញ្ជាតិអង់គ្លេសរូបនេះ ដើម្បីទៅចូលរួមនៅក្នុងរដូវកាលក្រោយ នេះបើយើងទៅតាមកាសែត Mirror ។

បន្ថែមពីនេះទៅទៀត Sterling​ គឺជាតារាបាល់ទាត់លំដាប់ពិភពលោកដែលអាចជាគោលដៅសំខាន់សម្រាប់ក្លឹបធំ Real Madrid កំពុងតាមប្រមាញ់ដើម្បីយកមកចូលរួមនៅក្នុងរដូវកាល ២០១៩-២០២០នេះ ក្នុងនោះដែរយើងឃើញមានដូចជា Neymar Eden Hazard និង ខ្សែបំរើ Chistian Eriksen។ បញ្ជាក់ផងដែរថា Real madrid បានព្យាយាមតាមប្រមាញ់នាំយក Sterling នៅក្នុងឆ្នាំ ២០១៤ផងដែរ ហើយ Zinedine Zidane ក៏បានកោតសរសើពីទេពកោសល្យរបស់កីឡាករវ័យក្មេងសញ្ជាតិអង់គ្លេសរូបនេះផងដែរ។ ទោះបីជាយ៉ាងណាក៏ដោយ យើងមិនទាន់ដឹងច្បាស់ថា Real Madrid អាចនាំយកកីឡាកររូបនេះបានឬយ៉ាងណានៅឡើងទេ៕

អត្ថបទ៖ សុគុណា
ប្រភព៖ Goal.com