គ្រោះថ្នាក់ចរាចរណ៍ថ្ងៃទី១១ ខែមីនា កើតឡើង ៥លើក ស្លាប់៥នាក់ រងរបួសធ្ងន់ស្រាល៧នាក់
ភ្នំពេញ ៖ យោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិប្រាប់ឲ្យដឹងថានៅថ្ងៃទី១១ ខែមីនា ឆ្នាំ២០១៧ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើង ចំនួន៥លើក បណ្តាលឲ្យមនុស្សស្លាប់៥នាក់ (ប្រុស៤) រងរបួសធ្ងន់៥នាក់ (ស្រី៣) និងរងរបួសស្រាល២នាក់(ស្រី១) ។ ក្នុងនោះអ្នកមិនពាក់មួកសុវត្ថិភាពពេលគ្រោះថ្នាក់ចរាចរណ៍ ៩នាក់ ( យប់៩នាក់ )។
នៅក្នុងហេតុការណ៍គ្រោះថ្នាក់ចរាចរណ៍៥លើកនេះ បណ្តាលឲ្យខូចខាតយានយន្ត សរុបចំនួន ១១គ្រឿង រួមមាន ម៉ូតូ ចំនួន៦គ្រឿង រថយន្តធុនតូច ចំនួន៣គ្រឿង, រថយន្តធុនធំ ចំនួន០គ្រឿង, ថ្មើរជើង០នាក់ និងយានយន្តផ្សេងៗ២គ្រឿង ។
មូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍ រួមមាន ល្មើសល្បឿន ២លើក ស្លាប់ ២នាក់ ,, មិនគោរពសិទ្ធិ ២លើក (ស្លាប់១នាក់), មិនប្រកាន់ស្តាំ ១លើក (ស្លាប់២នាក់) ។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៥លើក, ផ្លូវខេត្ត/ក្រុង ចំនួន០លើក និងផ្លូវលំ ចំនួន១លើក ។ យានយន្តដែលបង្កហេតុ រួមមាន ម៉ូតូ ១លើក, រថយន្តធុនតូច ចំនួន៣លើក និងរថយន្តធន់ធំ០លើក , ថ្មើរជើង ០នាក់ , យានផ្សេងៗ២លើក , កង់០លើក ។
រាជធានី-ខេត្ត ដែលមានគ្រោះថ្នាក់និងរងគ្រោះថ្នាក់ រួមមាន ៖ ភ្នំពេញ ២លើក ស្លាប់២នាក់ របួស៤នាក់ , បាត់ដំបង ១លើក ស្លាប់២នាក់ របួស១នាក់ ,ក្រចេះ ១លើក ស្លាប់១នាក់ របួស០នាក់ និងកំពត ១លើក របួស២នាក់ ។
តាមរបាយការណ៍គ្រោះថ្នាក់ចរាចរណ៍ទូទាំងប្រទេសរយៈពេល១១ថ្ងៃ គិតចាប់ពីថ្ងៃទី១ មីនា ដល់ថ្ងៃទី១១ មីនា ២០១៨ មានគ្រោះថ្នាក់ចំនួន ១០១លើក ស្លាប់ចំនួន៦៦នាក់ របួសសរុបចំនួន១៦៨នាក់ របួសធ្ងន់ ៨៦នាក់ របួសស្រាលចំនួន៨២នាក់ ។
លទ្ធផលត្រួតពិនិត្យការអនុវត្តច្បាប់ចរាចរណ៍ថ្ងៃទី១១ មីនា ២០១៨ គិតពីម៉ោង១៤ ថ្ងៃទី១០ មីនា ដល់ម៉ោង១៤ ថ្ងៃទី១១ មីនា ២០១៨ រួមមាន ៖ មធ្យោបាយចូលគោលដៅ ៥២៣៩ គ្រឿង (ម៉ូតូ៥៤%) , មធ្យោបាយល្មើស ៤២៧ គ្រឿង (ម៉ូតូ៧០%) ,អប់រំ ១៩៤គ្រឿង ស្មើរ៤៥% , ពិន័យ ២៣៣ គ្រឿង (បង់ប្រាក់៩៧%) ៕
ប្រភព៖ អគ្គស្នងការដ្ឋាននគរបាលជាតិ