យោងតាមសំដីលោកគ្រូបង្វឹក Maurizio Sarri បានអោយដឹងថា ខ្សែប្រយុទ្ធសញ្ជាតិអាស្សង់ទីន Gonzalo Higuain មានអារម្មណ៍ពិបាកក្នុងការរស់នៅក្នុងប្រទេសអង់គ្លេស។ ជាមួយគ្នានេះដែរ បន្ទាប់ពីទំនាក់ទំនងរវាងក្រុម Napoli និងខ្សែប្រយុទ្ធ Higuain មិនសូវល្អ កីឡាកររូបនេះក៏សម្រេចចិត្តទៅចូលរួមជាមួយក្លឹបតោខៀវ Chelsea នៅពហុកីឡាដ្ឋាន Stamford Bridge ក្នុងខែមករានេះ ប៉ុន្តែលោកធ្វើមិនបានល្អសោះនៅក្នុងទម្រង់លេងរបស់លោក។ ក្នុងការបង្ហាញខ្លួន ១០លើក Higuain រកបានតែ៣គ្រាប់តែប៉ុណ្ណោះ ហើយគាត់មានឧបសគ្គនៅពេលដែលលេងជាមួយក្លឹបដែលនៅពាក់កណ្ដាលតារាងក្នុងលីគ។

បន្ថែមពីនេះទៅទៀត លោក Sarri ដែលជាអ្នកចាត់ការទូទៅរបស់ Chelsea បាននិយាយប្រាប់ទៅអ្នកកាសែតថា ” Huguain បានប្រាប់ខ្ញុំថា វាគឺពិបាក ព្រោះខ្សែការពារនៅទីនេះពិតជាខ្លាំងៗ ហើយមិនតែប៉ុណ្ណោះ អាជ្ញាកណ្ដាលនៅទីនេះក៏ខុសគ្នាខ្លាំងពីនៅអុីតាលី ដូចនេះហើយវាដូចជាប្លែកសម្រាប់គាត់ និងមិនតែប៉ុណ្ណោះសម្រាប់ខ្សែប្រយុទ្ធ និងអ្នកចាំទីក៏ខុសគ្នាដែរ” ។ ហើយគាត់បានបន្ថែមទៀតថា ”ខ្ញុំគិតថាកីឡាកររូបនេះត្រូវការពេលវេលា ប៉ុន្តែពួកយើងមិនមានពេលទៀតទេ ដូច្នេះហើយយើងត្រូវការអោយគាត់ឡើងដល់កំរិតរបស់គាត់ក្នុងរយៈពេល២ខែ”។ គួរបញ្ជាក់ផងដែរថា Huguain ធ្លាប់ជាកីឡាកររបស់ក្រុម Real Madrid និងបានឈ្នះពានជាច្រើនជាមួយក្លឹបយក្សនៅក្នុងប្រទេសអេស៉្បាញមួយនេះ៕

អត្ថបទ៖ សុគុណា
ប្រភព៖ Fox Sports