ព្រះមហាក្សត្រ ចេញព្រះរាជក្រឹត្យ បន្ថយឋានន្តរស័ក្តិពីឧត្តមសេនីយ៍ទោ(ផ្កាយ២) អេង សាវឿន ឱ្យមកនៅត្រឹមថ្នាក់ ពលបាលត្រី

រាជធានីភ្នំពេញ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានចេញព្រះរាជក្រឹត្យត្រាស់បង្គាប់ បន្ថយស័ក្តិលោកឧត្តមសេនីយ៍ទោ (ផ្កាយ២) អេង សាវឿន អនុប្រធាននាយកដ្ឋានបង្ការ និងពន្លត់អគ្គិភ័យ មកនៅត្រឹមកូននគរបាល «ពលបាលត្រី» ក្របខណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ។

សូមជម្រាបជូនថា លោកឧត្ដមសេនីយ៍​ទោ​ អេង​ សាវឿន​ អនុប្រធាន​នាយកដ្ឋាន​បង្ការ និង​ពន្លត់​អគ្គិភ័យ​​ ត្រូវបាន​សមត្ថកិច្ចឃាត់ខ្លួន​ពីបទ​ឆបោក​ប្រាក់​ ៥​ម៉ឺនដុល្លារ​ ពាក់ព័ន្ធរឿង​រត់ការចូលក្របខណ្ឌ​នគរបាលជាតិ​ ៕

ប្រភព៖ លោក Sorn Sopheak-ស៊ន សុភក្រ្ត