អតីតខ្សែប្រយុទ្ធរបស់ក្រុមបិសាចក្រហម និង Barcelona Zlatan Ibrahimovic មានបទពិសោធន៍ជាច្រើននៅក្នុងពាន UEFA Champion League ពេលដែលរូបគាត់ប្រកបអាជីពបាល់ទាត់នៅក្នុងទ្វីបអឺរ៉ុប និងបានឈ្នះពានជាច្រើនផងដែរ។ តារាបាល់ទាត់សញ្ជាតិស៊ុយអ៊ែតរូបនេះបានតំណាងអោយក្លឹបកំពូលៗក្នុងទ្វីបអឺរ៉ុបដើម្បីដណ្តើមពានធំៗជាច្រើនក្នុងរយៈពេលជាច្រើនឆ្នាំ ក្នុងនោះក៏មានក្រុម Barcelona និង Manchester United ផងដែរ។ ចៃដន្យអី ក្រុមទាំងពីរនេះត្រូវបានប៉ះគ្នាក្នុងវគ្គជម្រុះ ៨ក្រុមចុងក្រោយនៅក្នុងឆ្នាំនេះ ហើយកីឡាករ Ibrahimovic បានជ្រើសរើសកីឡាករពីររូប ដែលគាត់គិតថាអាចជាសោរដ៏សំខាន់សម្រាប់ក្រុមរបស់ពួកគេ។

ក្នុងនោះដែរគាត់បានប្រាប់ទៅវែបសាយផ្លូវការរបស់ Barcelonaថា ”ខ្ញុំគិតថា ការប្រកួតនេះពិតជាគួរអោយចាប់អារម្មណ៍មែនទែន នៅពេលដែលក្លឹបល្អពីរនេះជួបគ្នា ហើយមិនតែប៉ុណ្ណោះ ក្លឹបទាំងពីរនេះមានប្រវត្តិល្អដូចគ្នា ដែលធ្វើអោយអ្នករាល់គ្នាចង់មើល និងមានកីឡាករល្អៗជាច្រើននៅក្នុងក្រុមទាំងពីរនេះ”។ គាត់ក៏បានបន្តទៀតថា ” Messi ច្បាស់ណាស់ថាអាចធ្វើអោយមានភាពខុសប្លែកពេលដែលមាន និងគ្មានវត្តមានរបស់គាត់លេង ហើយវាគ្មានអ្វីប្លែកនោះទេ ខណៈដែរកីឡាករ Pogba របស់បិសាចក្រហមក៏ដូចគ្នាដែរ”។ បន្ទាប់មកគាត់តារាបាល់ទាត់របស់ La Galaxy បានបន្តទៀតថា ” ខ្ញុំគិតថាវាគឺជាសង្គ្រាមរវាង Messi និង Pogba បើទោះបីជាកីឡានេះជាកីឡាលេងជាក្រុម ប៉ុន្តែវត្តមានរបស់ពួកគេនឹងធ្វើអោយមានភាពខុសគ្នា ហើយនិងចាប់អារម្មណ៍”។  គួរបញ្ជាក់ផងដែរថា  Machester Untied នឹងបើកទ្វារទទួលការមកលេងរបស់ Barcelona នៅក្នុងទឹកដី Old Trafford នៅយប់នេះ វេលាម៉ោង ២រំលងអាធ្រាត នៃការប្រកួតក្របខណ្ឌ UEFA Champions League វគ្គ៨ក្រុមចុងក្រោយ ជើងទី១៕

អត្ថបទ៖ សុគុណា
ប្រភព៖ Fox Sports