កាលពីយប់មិញនេះ Machester City បានធ្លាក់ចេញពីវគ្គ ៨ក្រុមនៃ Uefa Champion League ក្រោយចាញ់គ្រាប់បាល់ក្នុងទឹកដីរបស់ខ្លួន១ទល់នឹង០ បើទោះបីជាយប់មិញនេះយកឈ្នះក្រុមភ្ញៀវ Tottenham Hotspurs ៤ទល់នឹង៣យ៉ាងណាក្តី ព្រោះនៅក្នុងទឹកដីខ្លួន អោយគេស៊ុតបញ្ជូលទីរហូតដល់ទៅ៣គ្រាប់។ ប៉ុន្តែក្រោយពីបញ្ចប់ការប្រកួត Man City ប្រតិកម្មទៅលើ​គ្រាប់បាល់របស់ Raheem Sterling នៅចុងម៉ោង ដោយកាត់សេចក្តីដោយ VAR ថាជាគ្រាប់បាល់ Offside។ ក្នុងនោះដែរ មាន Raheem Sterling អ្នកចាត់ការទូទៅ Pep Guardiola និងក្រុម  Man City ទាំងមូលដែលមានវត្តមាននៅក្នុងពហុកីឡាដា្នន Etihad បានតវ៉ាគ្រាប់បាល់ដែលថាការបញ្ចូលទីដោយខ្សែរប្រយុទ្ធសញ្ជាតិអង់គ្លេស Raheem Sterling ថាជាគ្រាប់បាល់ Offside ។

គួរបញ្ជាក់ផងដែរថា នេះមិនមែនជាលើកទីមួយទេដែលថា VAR បានកាត់សេចក្តីទៅលើគ្រាប់បាល់នៅក្នុងការប្រកួតជាច្រើននៅក្នុងពាន Uefa Champion League ដោយក្រុមខ្លះបានធ្លាក់ឬជាប់ដោយប្រពន្ធ័កាត់សេចក្តីមួយនេះ(VAR)។ នៅក្នុងនោះដែរនៅនាទីទី ៧៣ គ្រាប់បាល់របស់កីឡាករ Spurs Fernando Llorente ក៏មានការតវ៉ាផងដែរ បន្ទាប់ពីគ្រាប់បាល់នេះដូចជាប៉ះដៃ ប៉ុន្តែ VAR បានកាត់សេចក្តីថាគ្មានកំហុសទេ និងបានជួយអោយ Spurs ឡើងទៅវគ្គពាក់កណ្ដាលផ្តាច់ព្រ័ត្រ ហើយនឹងត្រូវជួបជាមួយ Ajax មកពីប្រទេសហូឡង់ បន្ទាប់ពី Ajax យកឈ្នះក្រុមរបស់ Ronaldo សេះបង្កង់ Juventus។ ហើយមួយគូទៀតនោះគឹ ក្រុងហង្សក្រហម Liverpool នឹងប៉ះជាមួយក្រុមអ្នកមានបុណ្យ Barcelona។ សូមប្រិយមិត្តរង់ចាំមើលទាំងអស់គ្នាថាក្រុមមួយណាជាអ្នកលើកពានយក្សរបស់អឺរ៉ុបនៅក្នុងរដូវកាលនេះ៕

អត្ថបទ៖ សុគុណា
ប្រភព៖ Fox Sports