ក្រុមអធិរាជស Real Madrid បានបដិសេធលុយ ១៨០លានអឺរ៉ូចំពោះការស្នើរចង់បានកីឡាករ Marco Asension នេះបើយើងទៅតាមភ្ងាក់ងារ Horacio Gaggioli។ ជាមួយគ្នានេះដែរ នៅក្នុងរដូវកាលនេះ Marco Asensio ហាក់ដូចជាធ្វើមិនបានល្អសោះនៅក្នុងរដូវកាលនេះ ដោយលេងបានតែ២០ប្រកួតក្នុងការប្រកួតទាំង ៤២ប្រកួតនៅក្នុងក្របខ័ណ្ឌ La Liga និងក្នុងក្របខ័ណ្ឌ Champions League ដែលជាហេតុធ្វើអោយកីឡាករវ័យក្មេងរូបនេះអាចនឹងចាកចេញនៅក្នុងរដូវក្តៅនេះ។ ហើយក៏មានពាក្យចរចាមអារ៉ាមមួយចំនួនថាមានក្រុមហង្សក្រហម Liverpool និងក្រុមសេះបង្កង់ Juventus កំពុងចាប់អារម្មណ៍លើកីឡាករសញ្ជាតិអេស៉្បាញរូបនេះ ប៉ុន្តែជាផ្លូវការពុំទាន់មានព័ត៌មានមួយណាចេញពីមាត់របស់កីឡាករ ឬក្លឹបនោះទេ។

កាលពីឆ្នាំមុន សម្រាប់កីឡាករមួយនេះមានគេស្នើរសុំទិញកីឡាករនេះរហូតដល់ ១៥០លានអឺរ៉ូ និង១៨០លានអឺរ៉ូ ប៉ុន្តែក្លឹប Real Madrid មិនចង់ស្តាប់ឡើយ ហើយមានក្លឹបធំៗជាច្រើនតែងតែចូលចែចូវ Asensio ប្រសិនបើរូបគាត់ចង់ចាកចេញ។ ប៉ុន្តែគាត់តែងតែនិយាយថាគាត់សប្បាយចិត្តជាមួយ Real Madrid ហើយគាត់ចង់ជោគជ័យក្នុងអាជីពរបស់រូបគាត់នៅក្នុងក្លឹបយក្សមួយនេះ។ គួរបញ្ជាក់ផងដែរថាក្លឹប Real Madrid បានផ្លាស់ប្តូរគ្រូបង្វឹកពីដងក្នុង១រដូវកាលនេះ ហើយថ្មីៗនេះ Zidane បានត្រឡប់មកកាន់ទឹកដីពហុកីឡាដ្ឋាន Bernarbeu វិញបន្ទាប់ពីឈប់នៅដើមរដូវកាលនេះ។ ចំណែកឯ Asensio វិញបន្ទាប់ពីគ្រូបង្វឹកចាស់ត្រឡប់មកវិញ គាត់ចូលលេងបាន ៥ប្រកួតក្នុង៦ប្រកួតរបស់ការដឹកនាំថ្មីរបស់ zidane៕

អត្ថបទ៖ សុគុណា
ប្រភព៖ Goal.com