ថៃទិញយន្តហោះចម្បាំង Gripen ចំនួន ៤គ្រឿង មានតម្លៃសរុប ៥៥៦លានដុល្លារ ពីប្រទេសស៊ុយអែត

ស៊ុយអែត៖ ប្រទេសស៊ុយអែតបានយល់ព្រមលក់យន្តហោះចម្បាំង Gripen ចំនួន ៤គ្រឿងឱ្យទៅប្រទេសថៃ នេះបើយោងតាមការចុះផ្សាយរបស់បណ្តាញសារព័ត៌មាន Reuters កាលពីយប់ថ្ងៃទី ២៥ ខែសីហា។ នៅក្នុងចំណោមយន្តហោះចម្បាំង Gripen ទាំង ៤គ្រឿងនោះរួមមានយន្តហោះចម្បាំង Gripen E ចំនួន ៣គ្រឿង និងយន្តហោះចម្បាំង Gripen F ចំនួន ១គ្រឿង ខណៈគិតត្រឹមពេលនេះប្រទេសថៃមានយន្តហោះចម្បាំង Gripen C/D ចំនួន ១គ្រឿងរួចហើយ។

ប្រភពខាងលើបានបន្តថា​ យន្តហោះចម្បាំង Gripen ទាំង ៤គ្រឿងខាលើនេះត្រូវបានផលិតឡើងដោយក្រុមហ៊ុនមានឈ្មោះថា  Saab និងមានតម្លៃសរុបចំនួន ៥,៣ពាន់លានក្រោន (ប្រហែល ៥៥៦លានដុល្លារអាមេរិក)។ បើតាមលោក Mikael Granholm ដែលជាអគ្គនាយក នៃអគ្គនាយកដ្ឋានរដ្ឋបាលនិងសម្ភារៈការពារជាតិស៊ុយអែតបានឱដឹងថា ការដឹកជញ្ជូនយន្តហោះចំនួន ៤គ្រឿងខាងលើនេះទៅកាន់ប្រទេសថៃនឹងត្រូវធ្វើឡើងជាបន្តបន្ទាប់ចាប់ពីឆ្នាំ ២០២៥ រហូតដល់ ២០៣០ ខណៈនៅក្នុងកិច្ចសន្យាលក់នេះក៏មានមានបញ្ជូលទាំងការ ផ្តល់ការបណ្តុះបណ្តាលក្នុងការប្រើប្រាស់ ការផ្តល់ឧបករណ៍ជំនួយ និងការផ្តល់ការគាំទ្រផ្សេងៗមួយចំនួនបន្ថែមទៀតផងដែរ៕

អត្ថបទ៖ ភក្តី

ប្រភព៖ Reuters