ទឹកជំនន់នៅវៀតណាមបណ្តាលឱ្យមនុស្ស ៣៥នាក់បាត់បង់ជីវិត និង ៥នាក់កំពុងបាត់ខ្លួន

វៀតណាម៖ តួលេខអ្នកស្លាប់បាត់បង់ជីវិតដោយសារទឹកជំនន់នៅក្នុងប្រទេសវៀតណាមបានកើនឡើងដល់ចំនួន ៣៥នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time ដោយគិតត្រឹមថ្ងៃថ្ងៃទី២ ខែវិច្ឆិកា។ ទន្ទឹមគ្នានេះក៏មានមនុស្សចំនួន ៥នាក់ផ្សេងទៀតកំពុងតែបាត់ខ្លួនផងដែរ។

បើតាមអាជ្ញាធរវៀតណាមបានបញ្ជាក់ថា ស្ថានភាពទឹកជំនន់កាន់តែធ្ងន់ធ្ងរខ្លាំងឡើងក្រោយមានភ្លៀងធ្លាក់យ៉ាងខ្លាំងនិងច្រើនមិនធ្លាប់មានមួយ បានកើតឡើងនៅតាមបណ្តាខេត្តចំនួន ៤របស់វៀតណាម រួមមានខេត្ត Hue ខេត្តDa Nang  ខេត្ត Lam Dong និងខេត្ត Quang Tri។ ក្រៅតែពីបង្កការគំរាមកំហែងដល់អាយុជីវិតមនុស្សហើយ ទឹកជំនន់ក៏បានជន់លិចផ្ទះរបស់ប្រជាពលរដ្ឋប្រមាណជា ១៦,៥០០ខ្នង បំផ្លាញដីកសិកម្មចំនួន ៥,៣០០ហិកតា និងសម្លាប់សត្វចិញ្ចឹម (គោ ក្របី មាន់ ទា)​ របស់ប្រជាពលរដ្ឋអស់ជាង ៤០,០០០ក្បាលផងដែរ៕

អត្ថបទ៖ ភក្តី

ប្រភព៖ The Strait Time