កីឡាករខ្សែការពាររបស់ប៉ុកទុយហ្គាល Joao Cancelo មិនបានលេងអោយក្រុមជម្រើសជាតិនៅពេលប៉ះជាមួយស្វីស នៅក្នុងពាន UEFA Champion League វគ្គពាក់កណ្តាលផ្តាច់ព្រ័ត្រពីព្រោះ Christiano Ronaldo បានសុំអោយគាត់អង្គុយនៅក្នុងកៅអីបម្រុង។ តាមរយៈសារព័ត៌មាន Don Balon បានលើកឡើងថា កីឡាករខ្សែការពារស្លាបស្តាំរបស់ក្លឹប Juventus បានត្រឹមបម្រុងនឹងជំនួសដោយកីឡាករ Nelson Semedo របស់ Barcelon នៅវគ្គពាក់កណ្តាលផ្តាច់ព្រ័ត្រ  ហើយមើលទៅដូចជាទុកជើងគាត់លេងនៅពេលប៉ះជាមួយហូឡង់នៅថ្ងៃអាទិត្យនេះអញ្ជឹង។ រឿងនេះបានកើតឡើងនៅពេលដែលកីឡាករ Christiano Ronaldo បានប្រាប់ទៅគ្រូបង្វឹកជម្រើសជាតិ Fernando Santo អោយកីឡាករវ័យ២៥ឆ្នាំ Joao Cancelo ចាំបម្រុង និងមិនអោយលេងនៅការប្រកួតក្រោយដូចគ្នា។

ជាមួយគ្នានេះមានពាក្យចចាមអារ៉ាមថាមូលហេតុដែលធ្វើអោយមានរឿងបែបនេះព្រោះកីឡាកររូបនេះព្រោះរូបគេអាចនឹងផ្លាស់ប្តូរទៅក្លឹប Man City នៅរដូវក្តៅនេះ ដែលធ្វើអោយមានរឿងមិនសប្បាយចិត្តជាមួយនឹងមិត្តរួមក្លឹប និងជម្រើសជាតិ Christiano Ronaldo មិនសប្បាយចិត្ត។ បន្ថែមពីនេះទៅទៀត Ronalod មានទំនុកចិត្តខ្ពស់ជាមួយនឹងខ្សែការពារស្លាបស្តាំរូបនេះនៅឯក្លឹប Juventus ប៉ុន្តែចាប់ផ្តើមខកចិត្តនៅពេលដែលលេចលឺថាខ្សែការពាររូបនេះអាចនឹងចាកចេញទៅចូលរួមជាមួយលោក Pep Guradiolaនៅអង់គ្លេស។ គួររំលឹកផងដែរថា Guradiola ចង់ចុះកុងត្រាជាមួយ Cancelo ដើម្បីប្រជែងជាមួយ Kyle Walker នៅតំបន់ការពារខាងស្តាំ និងជំនួសតំណែង Danilo ដែលមើលទៅលេងមិនសូវបានល្អជាមួយនឹងក្លឹប Man City៕

អត្ថបទ៖ សុគុណា
ប្រភព៖ FoxSportAsia