ឱកាស! អគ្គលេខាធិការដ្ឋានរដ្ឋសភា នឹងរៀបចំប្រឡងជ្រើសរើសមន្ត្រីកិច្ចសន្យាទាំងពីរភេទចំនួន ៣០នាក់
(រាជធានីភ្នំពេញ)៖ នៅរសៀលថ្ងៃទី ១៩ ខែវិច្ឆិកា ឆ្នាំ ២០២៥ នេះ រដ្ឋសភាកម្ពុជា បានចេញសេចក្តីជូនដំណឹង ថា អគ្គលេខាធិការដ្ឋានរដ្ឋសភា នឹងរៀបចំប្រឡងជ្រើសរើសមន្ត្រីកិច្ចសន្យាទាំងពីរភេទចំនួន៣០នាក់ ដើម្បីបំពេញការងារ នៅអគ្គលេខាធិការដ្ឋានរដ្ឋសភា។
តាមរយៈសេចក្ដីជូនដំណឹងនេះដែរ ការរៀបចំប្រឡងជ្រើសរើសមន្ត្រីកិច្ចសន្យាទាំងពីរភេទចំនួន ៣០នាក់ ដើម្បីបំពេញការងារ នៅអគ្គលេខាធិការដ្ឋានរដ្ឋសភាដូចខាងក្រោម៖
-ផ្នែកបច្ចេកវិទ្យាព័ត៌មាន និងគមនាគមន៍ (IT)
-អ្នកគ្រប់គ្រងទិន្នន័យ (Database Administrator) ០៥នាក់
-អ្នកគ្រប់គ្រងប្រព័ន្ធបណ្តាញ (Network Administrator) ០៥នាក់
-អ្នកអភិវឌ្ឍកម្មវិធី (Software Developer) ០៥នាក់
-អ្នកថែទាំឧបករណ៍ព័ត៌មានវិទ្យា (Maintenance Officer) ០៥នាក់
-អ្នកគ្រប់គ្រងប្រព័ន្ធសុវត្ថិភាពព័ត៌មានវិទ្យា និងកាមេរ៉ាសុវត្ថិភាព ០៥នាក់
-អ្នកបណ្តុះបណ្តាលបច្ចេកវិទ្យាព័ត៌មាន ០៥នាក់
ចំពោះលក្ខខណ្ឌជ្រើសរើសមានដូចខាងក្រោម
-ជនជាតិខ្មែរ សញ្ជាតិខ្មែរ
-អាយុចន្លោះពី២២ ទៅ ៣០ឆ្នាំ
-មានកាយសម្បទាគ្រប់គ្រាន់ (វិញ្ញាបនបត្របញ្ជាក់ពីនាយកដ្ឋានពេទ្យការងារ)
-អាចបំពេញការងារបន្ថែមម៉ោងក្នុងថ្ងៃឈប់សម្រាក
-មានចំណេះដឹងភាសាអង់គ្លេសអាចប្រើប្រាស់បាន
-មានសញ្ញាបត្រយ៉ាងតិចបរិញ្ញាបត្រ ឬប្រហាក់ប្រហែលលើជំនាញដែលជ្រើសរើស
-មានបទពិសោធការងារពាក់ព័ន្ធនឹងជំនាញខាងលើ។
សម្រាប់បេក្ខជនដែលមានចំណាប់អារម្មណ៍ចង់ដាក់ពាក្យចូលបម្រើការងារ សូមទំនាក់ទំនងមកទទួល និងដាក់ពាក្យប្រឡងនៅការិយាល័យធនធានមនុស្ស នៃនាយកដ្ឋានគ្រប់គ្រងបុគ្គលិក នៃអគ្គលេខាធិការដ្ឋានរដ្ឋសភា ចាប់ពីថ្ងៃជូនដំណឹងរហូតដល់ថ្ងៃទី ៣០ ខែវិច្ឆិកា ឆ្នាំ ២០២៥ រៀងរាល់ម៉ោងធ្វើការ ឬតាមតំណលីង QR ដូចមានភ្ជាប់ជូន៕
